著校服點解會吸引男人?

毛言地 於 20/10/2016 發表 收藏文章
  大多數男人都有一個夢想:喺一個浪漫嘅晚上,女朋友著住一件校服(情趣裝又好真校服又好)瞓喺床上等你過嚟拆開佢心口個蝴蝶結,開始難忘又完美嘅一夜春宵。

  點解校服吸引力咁大?因為校服所代表嘅嘢太多:青春嘅回憶、第一個暗戀對像、甚至係自己嘅初戀都可能同校服有關:想當年兩小無猜,喺學校日夜見面毫不厭倦,小息時候兩個人坐喺長櫈傾計,午餐一齊出街食,放學佢睇住你同同學打波之後再一齊行下最近學校嘅商場,夜晚就繼續電話粥同SMS。同樣生活一星期做足五日,但係每日都一樣咁甜密,依種「有了你開心啲乜都稱心滿意」嘅感覺我諗只得初戀先有。以前學校就係接近你生活嘅所有,包括學業、朋友、情人等等,而喺學校就一定要著校服,所以人對校服有獨特感情一啲都唔奇。

  中學校園生活轉眼即逝,上到大專大學唔唔洗著校服,人亦都冇咁純情(一個Ocamp都唔個充滿幾多精與汗)。正所謂人失去後先會珍惜,你開始懷念嗰位身穿校服嘅女朋友或者暗戀對像。時間唔可以回到過去,但校服就可以隨時買到,所以對校服嘅迷戀就成為咗男人們純情初戀同埋中學生活記掛嘅轉化。同往後嘅女朋友一齊一段時間之後男人總有想女朋友著住校服搞嘢嘅念頭,一嚟當然係觀感同情趣上嘅刺激,另一方面就係藉此懷念一下中學嗰段初戀或者暗戀,甚至係喺腦海中再次回味嗰真真正正嘅第一次。

  有時我覺得日本嘅寫真真係好識捉男人心理,水手服、體育服、甚至係學生泳服,每一件都衝擊緊大家學生時代嘅回憶。女人著住一身校服真係會吸引啲。試問有邊個可以抵擋得住一個身穿校服,手執原子筆或者拎住本書睇嘅學生妹對你微笑?更遑論佢已經瞓住喺度等你?

  校服,冇得輸。

一個讚好,是對我的一點支持。
如果想分享給其他朋友的話,請標明出處並附上專頁網址。
FACEBOOK:https://www.facebook.com/MaoYanDe
TUMBLR:http://moyinday.tumblr.com/
Fanpiece:http://women.fanpiece.com/moyinday/
圖片來源:網絡取材
標籤: 毛言地  愛情  校服    

留言


請按此登錄後留言。未成為會員? 立即註冊
    快捷鍵:←
    快捷鍵:→