點解男人要叫雞？ 精選 推薦

　　講開性，叫雞好似唔可以唔講。

　　我唔知邊個發明用性搵錢，但係佢對後世影響真係好大，不論對性工作者定個客：一個搵到錢，一個解決性需要，各取所需。有人話叫雞好Cheap，條女都唔知比人搞過幾多次，但相比起嗰班晚晚獵食嘅蒲妹嚟講其實個差別只係一個睇錢份上搞，一個睇樣份上搞，點解喺Club盡情淫亂就冇事，但叫雞就會Cheap呢？香港人價值觀真係好得意。

　　講返正題，男人叫雞就當然係想扑嘢而唔再靠左右手解決，但生活喺依個社會當中你要想抱得美人歸都要講番咁上下樣子同手段，偏偏世上有唔少男士就欠缺咗依兩樣嘢。溝唔到女而又想一享魚水之歡的話叫雞就係最好選擇，畢竟幾嚿水就助你直達一男一女嘅終極關係，幾百蚊你課金抽把六星武都可能唔夠，Jordan波鞋一隻都未必買到，但而家起碼買到人生其中十幾至一個鐘嘅歡愉其實都幾抵。
　　可能因為性工作者太多，唔少人為咗加強自己競爭力會加推好多服務：制服又好，按摩又好，總之你諗到嘅同你諗唔到嘅你都可以搵到。有人覺得做雞只要瞓喺度比人搞就得，但喺要留住客人或者打響名堂下而家唔單止要服務一流，我見有啲網站甚至會有性工作者寫埋Blog放埋相，朝早返完工夜晚仲要繼續服務一理麻甩。我上網搵資料嗰陣見到性工作者喺奧運期間為咗可以服務多國客人甚至上堂學埋多國嘅叫床用語，分分鐘勤力過好多香港人。

　　唔好因為男人叫雞或者女人做雞就用有色眼鏡睇佢。放眼香港各處有女藝人千辛萬苦求嫁入豪門，有夜場女一見人身光頸靚有條車匙在手就走埋去撩佢搵之後節目，或者係唔同Offce之間晚晚上演女下屬大戰男上司，佢地做嘅一切其實都係用肉體換取利益，講穿咗咪同隻雞冇分別。比起佢地性工作者明碼實價同你傾好價錢就肉帛相見，完事後交低錢就可以，我覺得比起班得到你再揸乾你嘅女人好好多。
　　我好似講得太遠。總之男人叫雞已經有千百年歷史，天性依家嘢又真係唔係咁易改嘅。唔好再問男人識你次前有冇叫雞啦，最重要都係識你之後冇吖嘛係咪？

一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MaoYanDe
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材