男朋友獨特嘅freestyle,有啲「不良行為」會令對方不禁反晒白眼...

熱豆腐仔 於 01/06/2018 發表 收藏文章

其實主要係今年書展無書出好嬲自己,所以決定將身邊朋友仔嘅不良品行同大家分享
.
.

1.同女朋友講訓咗,其實打緊機/出咗街。

有次我地成班男仔玩緊啤牌,突然朋友個電話響,仲叫我地唔好出聲

「喂喂!!大家靜靜先,我女朋友打嚟」

我地見佢咁緊張,身為fd子們都兩肋插刀,流晒血的。
.
.

「係呀..我返到去啦BB,依家喺張床準備訓啦」

哇!真係好似玩魔術一樣,原來我地坐緊張床上面!呢個時候我地真係忍唔住「吱」一聲咁笑出嚟。而可能嫂子都聽到,即刻就追問佢

「哦…唔係呀,我阿哥囉,佢睇緊笑片笑得好大聲,我等陣出去話佢ha」
.

就係咁,阿哥無啦啦多咗個莫須有罪名…

原來阿哥就是這樣用的!師父明白了!
.

「好啦好啦,你都早啲休息啦~byebye」

戲子!戲子呀!!!
我地成班男仔真係笑到痴線
「洗唔洗呀你?直接話去朋友屋企玩唔得咩?」

「唉,你地唔明白架啦」

或者家家有本難唸的經,而我地亦無諗住去深究,繼續玩啦大佬!!

雖然我地聽落就無乜問題,但唔知佢女朋友又點睇啦~~
.
.

2. 手機將異性「朋友」改名做數目字。

有次食飯等緊位無嘢做,見到朋友玩緊電話就八掛望吓,點知一望就見到佢whatsapp同啲「數目字」傾緊計!
係呀,你無睇錯呀~佢將個聯絡人設為123...
.

「同邊個傾緊計呀?」

佢見我成隻鬼咁攝咗埋嚟當堂嚇一嚇,仲想將部手機遮住

「哦..之前網上買嘢嗰店主嚟~」

「妖收皮啦~你買咩買到對方會有錫錫emoj呀?」

「你咪理我啦」

「我要代表月亮懲罰你,今餐你請!」

「咪咁癲啦好嘛…」

至於123係邊個?算啦,真係唔關我事嘅,可能佢女朋友有興趣知多啲 #帽事嘅
.
.

3. 叫女朋友話嚟就嚟,話走就走。

有次同朋友出街,但我夜晚有嘢做就賣甩咗個朋友仔

「喂~我今晚有嘢做,唔同你食啦」

「頂呀?!唔係一齊食咩?」

「吓!?我琴晚好似同你講過,你約女朋友囉~~」

點知轉個身佢已經打緊電話...
.

事隔一個鐘之後,今次論到我畀人放飛機…(上天要懲罰我)

「喂大佬,你約咗女朋友未呀?我依家又得閒啦~」

「真?其實我都可以呀,反正佢應該都未出門口」

「但係你女朋友會唔會嬲呀?btw成粒鐘啦喎,真係未出?」

「你懂的…佢要蛻皮….好耐先出到..」

「咁呀…」

「得啦,我打畀佢同佢講聲,等陣食完飯一齊打機好過!」

「你話事啦大佬!」

對於我嚟講,係開心嘅
但對於佢女朋友嚟講,我只能默哀一分鐘... #打機是一種毒品
.
.

4. 做嘢激嬲對方扮唔知。

呢樣嘢相信唔洗我多講,我畀張傻鴨相大家就明白,全腦子充滿「問號」????????

「你次次明知我嬲就扮唔知、扮無事,點解氹吓我都唔肯呀?」

「我都唔知你嬲咩…」

「咁你就唔氹?!」

有請傻鴨!
#傻鴨傻鴨~~

有次講起呢件事,朋友就咁講

「係呀,都唔知佢嬲乜,咪等佢自生自滅~」

「吓…咁真係好咩?唔洗跪玻璃?」

「我意思係佢心中團火,等佢自己熄啦…」

#原來傻鴨咁醒目... #進化高超鴨
.
.

不過每個男仔都唔同嘅,有啲當然唔會犯啦,但有啲就會更加過份...所以亦都講唔晒嘅,不過都歡迎各位對號入座,有興趣就留言/inbox傾吓啦~~

PS 公平起,講完男仔聽日就講吓女仔hehe
(對唔住…我已經痴咗線…)


FB:熱豆腐仔
https://www.facebook.com/hothottofu/

IG: hottofuzai
https://www.instagram.com/hottofuzai/

如果喜歡我們的文章,請即分享到︰

標籤: 愛情  情侶  男朋友  不良品行  反白眼  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→