以前女朋友定左好多規條同好痴身，有時真係好煩唔想理 但當一晚臨訓前望下手機，我先知道個句晚安已經無人會再聽 精選 推薦

以前女朋友定左好多規條同好痴身，有時真係好煩唔想理但當一晚臨訓前望下手機，我先知道個句晚安已經無人會再聽
.

有時拍拖耐左，對方既一言一語原來唔經唔覺改變左自己既生活習慣
就算對方已經離開左，但有啲野已經改唔到...
.
.
女朋友以前好霸道專制，就好似黨主席一樣
你無得Say No，只可以去跟隨
.

「你同朋友出街去邊、同邊個都要同我講」

「返到屋企要打比我話我知！」
「我會突擊檢查你手機架，唔好諗住識囡囡呀！」

咁我都覺得佢係關心我既，不過有時就真係痴身左啲囉
成件事就變左好似軍訓生活一樣，日日都要嚴守軍規
.

Yes！Madam！
.

有次返到屋企唔記得打比佢就訓左，訓醒見到「未接來電」

我就知道，我又要坐電椅…

「人黎！十萬伏電」

「唔好呀主席！會死人架....我下次唔敢啦」
嘶~嘶~嘶嘶~~~~

「比卡~超超超超超超超超超超超~~~」 (半死狀態)

「睇黎下次仲敢唔敢！哼！」
.

God Damn It
.

堂堂一個男人比電到好似比卡超咁…
最可惜既係..我最鍾意係車厘龜
.
.
女朋友唔單止定左規條，佢仲有啲好奇怪既習慣

咁每個人都有唔同既嗜好同習慣都係好正常，咁我都好包容既
但佢竟然要我都一齊習慣佢既「習慣」…
.

記得初初一齊個陣，有次同佢傾電話傾到好夜
咁你知啦，雖然熱戀緊既男女都打得火熱，傾電話都會傾到㷫烚烚
.

但係始終都會有能源耗盡既時候.. (唔係電話..係我無電)
.

「係囉..佢又會咁奇怪既」

「咪係囉，邊有人沖涼著衫架~」

「哈哈白痴！你聽日唔洗返工咩？」
「係喎，你唔講都唔記得添，原來咁晏，要訓教啦！早抖！」

「喂！咩早抖呀！一啲都唔sweet！」

「咁..Good Night啦..」

「唔得！一定要講晚安！」

就係咁，我就開始比人植入式洗腦一樣

個段時間，我就連對住班朋友都唔覺意講左晚安
.

「晚安啦！」

「男人老狗你晚乜春安呀！」

真係躺著也中槍…
不過啲豬朋狗友係咁架啦..好地地對佢唔得，係要迫我粗暴既
.

「唉你訓啦柒頭！」

「又會咁惡都有既～」
.

講左架~
係要迫我架喎..
.

咁或者呢啲都算啦，拍拖總會有屬於兩個人既「情趣」既
但佢有時真係痴身到，連我啲朋友都頂唔順
.
.
有次我同朋友出左去食飯，其實已經一早講定報左案架啦，佢自己都話無問題
「喂~你係邊呀？」

「MK食緊飯呀~」

「食完未呀..我想你陪我呀」

呢個時間班FD仲要間隔嘈喧巴閉
.

「係咪阿嫂呀？」
「佢好忙架喂～」
「啊啊..唷唷..唔好呀…細力D」

就連呻吟都出埋…真係極級小學雞行為
.

「收嗲啦好嘛」

我轉身就行去廁所傾.

「你叫我收嗲？」

「唔係呀！我叫班FD咋..佢地嘈住我..」

「咁你幾時完呀..我好悶」

「吓…但係我今日咪講左同班FD出街既..你都話OK架..」

「咁我咪話等你食完飯囉…係咪陪下我都唔得呀？」

「唔係唔得..但班朋友約左我有下埸嘛..可能去唱K或者吹下水咁」

「唉算啦..朋友係重要D架啦」

聽到咁講真係無名火氣，真係痴L線.

「我唔係唔陪你..咁我都一早講左架啦」

「算啦..唔阻你啦…係咁啦」

「唉你鍾意啦, byebye」

班FD見到我黑晒面咁返黎，承機又串下我
.

一路食一路諗，我真係無錯，我唔會再低聲下氣架啦！
.
.

有時對於另一半既無理要求同痴身，真係覺得好煩
連少少自由時間都好似無左一樣，日日準時報到交人，好似坐監咁.
我地仲因為咁樣嘈過好多次交
.
.

直到唔知邊一日，佢whatsapp左一句說話比我

「放心啦，我以後都唔會再煩你」

呢一句，亦係佢最後既一句
.
.
或者分開後既一個月，感覺上真係好多時間，鍾意去邊就去邊，玩乜就玩乜
唔洗成日記住幾時報到、又怕佢嬲
.

玩樂過後，生活回復平靜
偶爾既一晚，我臨訓前坐係床上面望下個手機，發覺原來已經好似好耐無響過
.

曾經每一晚都要做既野，都已經唔再需要做

個一句晚安，當我想講既時候
先知道已經無人會再聽...

.
我有啲失落訓係床上面

以後..真係無人再煩過我...


FB:熱豆腐仔
https://www.facebook.com/hothottofu/

IG: hottofuzaihttps://www.instagram.com/hottofuzai/