第一次上女朋友屋企訓教,訓醒第一眼就見到對方、可以攬住佢,呢種感覺真係勁sweet~

熱豆腐仔 於 10/07/2016 發表 收藏文章

初初同女朋友拍咗幾個月拖,或者時間太短未穩定,大家都仲未去到見家長地步~
所以有時上對方屋企都要偷偷摸摸,等無晒人先可以上去坐一陣
.

無錯,係一陣
.

當女朋友屋企人就嚟返,我就要好似逃兵咁準備走佬

「仲有200米咋!」
「Roger!Roger!全軍即刻撤退!」
.

其實,得我一個人~

.

由於每一次都只有好短時間,而且仲要輕輕的來,輕輕的走
就連一套電影都可能睇唔晒,所以我決定向法官大人上訴~

「聽日可唔可上你屋企呀?」

「唔得呀..阿爸阿媽係屋企..」

「吓…上次見得一陣..不如搵晚上你屋企訓啦..」

「但係佢地未必會畀..」
.

其實我有時都唔明..
我個樣都唔係咁差姐.. 又唔洗咁怕我嘅…

不過,我都明白當感情未咁深厚,都唔想咁快驚動伯母嘅
唔係到時真係Hi Auntie~!
.

「呃..你咪話聽日佢地兩個都返早嘅~咁不如我朝早上嚟呀~」

我帶住一把「很想要」嘅語氣,希望法官大人可以批准

「都可以嘅…你六點鐘上嚟啦..」
.

其實要無啦啦朝早六點起身..再行一輪上對方屋企再訓
成件事真係又攰又怪!

但好彩,嗰晚有波睇,時間就完全掂晒~
.
「好呀~」
.
.
到咗第朝六點,我已經準時到咗女朋友樓下

因為自己都係第一次同女朋友訓教,真係好興奮!(我地未有機會去旅行)

「喂~我到樓下啦」

「你等陣上嚟唔好咁大聲…」

「發生咩事呀?」

「佢地依家仲係房呀..應該無咁快出門口」
.

糟糕了!
唔通要我喺樓下「痴痴」的等?
.

「咁..我係咪照上嚟呀?」

「係呀~記得唔好出聲!」

作為一個軍人!潛行空間絕對係基本嘢!

「放心,我一定會無聲無色潛入敵陣!」
.

話咁快,我已經到咗門口,仲見佢大門打開

「喂~~(勁細聲)」

「入嚟先~」

如是者我放輕腳步,驚死踩中地雷一樣

「我隻鞋..應該點呀?」

「你攞埋入房,費時畀佢地睇到~」
.

呃,個衰妹又會咁醒目嘅!果然做戲做全套!
.
「收到法官大人~」

「法你個頭!」

有驚無險,任務完成!
.
.

我同女朋友訓喺床到,雖然兩個人係就係迫咗啲,但終於可以攬住對方訓教!
而重點喺,唔洗再有限時,真係可以放心去訓,

感謝主~
.

或者伯母仲係隔離房,我地講嘢都唔敢咁大聲
講多兩講,女朋友仲訓著埋添!

(雖然我都好攰,轉頭都訓埋)

.

下午十二點,陽光透過窗邊滲入屋內
畫面就好似人地拍情侶劇一樣,成件事好唯美

我一開眼就望到女朋友熟睡嘅側面,發覺佢真係好得意
仲忍唔住錫咗佢一吓面仔
.

呢種感覺,真係sweet爆~:)
.

P.S 其實攬住係訓唔著~最後一定會解體haha
利申: 純粹訓教
.

ig:hottofuzai
https://www.instagram.com/hottofuzai/

fb: 熱豆腐仔
https://www.facebook.com/hothottofu/
.
圖片來源:google

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→