《同處女拍拖有咩好？》

　　身為一個正常嘅男人總會有性需要，而拍拖其間男女朋友啪啪啪又係正常不過嘅事，我唔明點解咁多人有處女情意結，雖然咩處子之身喺而家嘅社會已經冇以前咁重要，但如果你拎走佢第一次然後後來發現大家唔夾分手，我硬係有種做咁千古罪人嘅感覺。試諗下，一個女仔守身如玉堅持咗十幾廿年，然後願意為咗你而奉獻自己，當中佢對你嘅愛真係唔可以睇小。可能佢已經視你係一生一世嘅對像，誇張啲講直頭係生係你嘅人，死係你嘅鬼。若果有一日你要離佢而去，就好似拎走佢嘅世界一樣，無論佢會唔會做傻事都好，我諗有良心嘅人都會唔敢想像佢有幾咁傷心。　
　
　　可能你自認黑心，睇導盲犬小Q都唔會感動，溝處女都只係想滿足慾望，一心諗住中出即飛。但話明處女即係冇經驗啦，即係只會瞓喺床上郁都唔郁啦，好聽啲係任你擺佈，其實咪即係死魚一條。我諗大家會享受互動嘅性生活多啲，同愛情一樣，單方面付出其實都真係幾攰。仲要第一次怕佢痛，又要溫柔又要輕力又要慢，結果佢又唔覺舒服，你又唔會滿足，咁樣搞法又何苦呢。好啦，你話第一次會痛，咁第二次就掂啦——係嘅，佢可能會開始享受到快感，但佢仍然只係識瞓喺度享受，付出嘅依然只有你一個。你想玩花式咩？慢慢教；你想要前戲咩？慢慢教；你想佢用口咩？都要慢慢教。若果你真係要做情場浪子，若果你真係純粹想享受性當中嘅樂趣，我實在搵唔到一個理由你要為咁一次啱心水嘅性愛去花咁多時間。　
　
　　最後，亦都係最重要嘅一點：香港要搵處女唔係冇可能，問題係你會唔會望得上眼。正如我開始咁講，男女朋友啪啪啪好正常，而香港地但凡樣貌正常小小，身材好少少嘅已經會有裙下之臣。如果可以經過廿年都未經開發，我相信你會睇得上眼嘅機會都好細，話就話豬扒都係肉，但比你揀會唔會係寧願去自瀆呢？
　
　
　
　　其實係咪處女都好，愛佢咪得囉。只要佢同你一齊之後冇比帽你戴，然後以前又唔係玩到你接受唔到嘅地步，有經驗都係一件好事吖，唔係咩？
　
　
一個讚好，是對我的一點支持。
如果想分享給其他朋友的話，請標明出處並附上專頁網址。FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材