落酒吧同朋友飲酒係我一個最鐘意嘅活動，大家食下花生飲下酒，搖下骰盎再嗌「八個六」大下家，睇住某人輸到飲完一杯又一杯，開開心心又一晚。喺冇耐之前，我又如常咁同幾個朋友去一間酒吧，而旁邊張枱坐咗幾個年紀睇落同我地差唔多嘅男女，其中一個都幾靚女。
我地叫咗一打啤酒仲有小食，傾咗陣計就開始玩大話骰。玩玩下我聽到旁邊張枱個靚女笑緊個朋友成日輸比自己，我就拎起自己個骰盎放喺佢地張枱，然後問佢「不如一齊玩兩鋪？」咁。講到依度，你可能以為我對自己嘅大話好有自信可以一挫佢嘅銳氣，不過結果完全相反——基本上我飲完五杯佢先會輸一次。
「仲洗唔洗繼續啊你？」佢笑笑口咁問我。礙於面子再加上酒精問題，我用把充滿酒氣嘅口去答佢「怕你？再嚟」。我地兩個無視自己嘅朋友，喺佢地張枱嘅枱角位置繼續「私片」，直到我開始捉到佢路漸漸拎到上風嗰陣，佢朋友就話係時候要走。「不如留你個電話比我」，就喺佢地埋完單企喺身準備走嗰陣，我遞咗部電話比佢，叫佢㩒個電話號碼比我。不過佢冇伸手接住我部電話，而係同我講一聲「拜拜」就同佢朋友行咗出去。
「柒咗啦，飲啦你。」我朋友幫我倒滿咗個杯，而我亦都只可以死死地氣咁清咗佢，然後繼續同朋友玩落去。十分鐘後，佢一個人行返返嚟酒吧，然後同我講咗句「「不如一齊玩兩鋪」。我示意佢坐我右手邊個位，然後叫人拎多個骰盎過嚟，繼續同佢未完嘅「私片」對決。
唔知過咗幾耐，我喺自己張床醒返。我唔記得自己點走，更加唔記得最後有冇拎到佢嘅電話號碼，我嘅記憶只係停留咗喺我叫「四個一」然後佢開我，最後我拎住三個，但係佢一粒都冇。我望一望個電話，瞓到十一點幾個頭都仲係赤赤痛，好彩今日放假，唔係都唔知點樣返工。正當我準備放低電話走去沖涼，個電話震咗一震，一個我冇Save低嘅電話WhatsApp咗我一句「今晚仲開唔開四個一」。原來最後都拎到佢電話，真係要讚一讚飲醉咗嘅自己。
「點解唔開？我第一鋪就咁叫。」
一個讚好，是對我的一點支持。
如果想分享給其他朋友的話，請標明出處並附上專頁網址。FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材
我地叫咗一打啤酒仲有小食，傾咗陣計就開始玩大話骰。玩玩下我聽到旁邊張枱個靚女笑緊個朋友成日輸比自己，我就拎起自己個骰盎放喺佢地張枱，然後問佢「不如一齊玩兩鋪？」咁。講到依度，你可能以為我對自己嘅大話好有自信可以一挫佢嘅銳氣，不過結果完全相反——基本上我飲完五杯佢先會輸一次。
「仲洗唔洗繼續啊你？」佢笑笑口咁問我。礙於面子再加上酒精問題，我用把充滿酒氣嘅口去答佢「怕你？再嚟」。我地兩個無視自己嘅朋友，喺佢地張枱嘅枱角位置繼續「私片」，直到我開始捉到佢路漸漸拎到上風嗰陣，佢朋友就話係時候要走。「不如留你個電話比我」，就喺佢地埋完單企喺身準備走嗰陣，我遞咗部電話比佢，叫佢㩒個電話號碼比我。不過佢冇伸手接住我部電話，而係同我講一聲「拜拜」就同佢朋友行咗出去。
「柒咗啦，飲啦你。」我朋友幫我倒滿咗個杯，而我亦都只可以死死地氣咁清咗佢，然後繼續同朋友玩落去。十分鐘後，佢一個人行返返嚟酒吧，然後同我講咗句「「不如一齊玩兩鋪」。我示意佢坐我右手邊個位，然後叫人拎多個骰盎過嚟，繼續同佢未完嘅「私片」對決。
唔知過咗幾耐，我喺自己張床醒返。我唔記得自己點走，更加唔記得最後有冇拎到佢嘅電話號碼，我嘅記憶只係停留咗喺我叫「四個一」然後佢開我，最後我拎住三個，但係佢一粒都冇。我望一望個電話，瞓到十一點幾個頭都仲係赤赤痛，好彩今日放假，唔係都唔知點樣返工。正當我準備放低電話走去沖涼，個電話震咗一震，一個我冇Save低嘅電話WhatsApp咗我一句「今晚仲開唔開四個一」。原來最後都拎到佢電話，真係要讚一讚飲醉咗嘅自己。
「點解唔開？我第一鋪就咁叫。」
一個讚好，是對我的一點支持。
如果想分享給其他朋友的話，請標明出處並附上專頁網址。FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材
請按此登錄後留言。未成為會員? 立即註冊