每次見到啲人喺商場都仲要戴住黑超，我就懷疑佢係咪漏咗支盲公竹冇拎出街。
冇錯，戴超通常都會幫你外表加分，我印像中戴完樣衰過未戴嘅例子少之又少。對女性嚟講副超除咗提升個人風格，仲可以遮魚尾紋黑眼圈油脂粒紅筋等等化三吋厚妝都遮唔到嘅問題，最重要係可以防UV（其實對佢地嚟講反而唔係重點）。基本上喺條街、喺海灘、甚至露天茶座你戴太陽眼鏡好正常，但係喺商場行街睇衫都要戴住副超嘅我就真係諗極都唔明。
黑超，你同我都戴過。喺個毒速太陽底下有佢幫手行路真係舒服好多；但入到商場，透過副超望嘢就好似天就光但又未光得哂咁睇唔得幾清楚。如果你唔除低副超行入鋪頭睇衫，拎起個價錢牌你都唔知揀嘅係S定M碼，價錢係688定888；行到入餐廳，特別係燈光有咁暗得咁暗個餐牌啲字有咁細得咁細懶有情調嗰啲，你唔除咗副超嘅話除咗叫侍應介紹再話「就依個吖」依個方法之外你根本冇可能叫到嘢食。有啲人更利害，當夜幕低垂，連路邊街燈都自動著燈嗰陣，佢地副黑超依然好自豪咁騎住喺鼻樑之上，而且大部份都係愛靚唔愛命嘅女性。望住佢副不見眼球嘅黑超、腳踏三吋斗零踭、左手挽手袋右手㩒電話，我先明白細細個小太空人講嘅「Nothing Is Impossible」係咩意思。
可能仲有人覺得黑超係高貴嘅象徵，係貴婦嘅代名詞，望住一個二個外國超模戴黑超嗰種超凡脫俗嘅感覺有邊個女人唔想成為一份子？只不過以我近幾年行商場嘅經驗，十個會喺商場戴超嘅七個都係強國人、一個真係鬼妹、仲有兩個就係想扮鬼妹但最後成為咗強國人咁款嘅香港人。戴超再好睇都要揀返場合去做，又唔見人地讚你著三點式靚你會著住去行街？
講咁多嘢都係想你下次除咗副黑超先好入鋪頭買嘢，唔好睇唔到路又要橫衝直撞最後撞落我度仲要對唔住都冇句啊，小姐。
一個讚好，是對我的一點支持。
如果想分享給其他朋友的話，請標明出處並附上專頁網址。FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材
冇錯，戴超通常都會幫你外表加分，我印像中戴完樣衰過未戴嘅例子少之又少。對女性嚟講副超除咗提升個人風格，仲可以遮魚尾紋黑眼圈油脂粒紅筋等等化三吋厚妝都遮唔到嘅問題，最重要係可以防UV（其實對佢地嚟講反而唔係重點）。基本上喺條街、喺海灘、甚至露天茶座你戴太陽眼鏡好正常，但係喺商場行街睇衫都要戴住副超嘅我就真係諗極都唔明。
黑超，你同我都戴過。喺個毒速太陽底下有佢幫手行路真係舒服好多；但入到商場，透過副超望嘢就好似天就光但又未光得哂咁睇唔得幾清楚。如果你唔除低副超行入鋪頭睇衫，拎起個價錢牌你都唔知揀嘅係S定M碼，價錢係688定888；行到入餐廳，特別係燈光有咁暗得咁暗個餐牌啲字有咁細得咁細懶有情調嗰啲，你唔除咗副超嘅話除咗叫侍應介紹再話「就依個吖」依個方法之外你根本冇可能叫到嘢食。有啲人更利害，當夜幕低垂，連路邊街燈都自動著燈嗰陣，佢地副黑超依然好自豪咁騎住喺鼻樑之上，而且大部份都係愛靚唔愛命嘅女性。望住佢副不見眼球嘅黑超、腳踏三吋斗零踭、左手挽手袋右手㩒電話，我先明白細細個小太空人講嘅「Nothing Is Impossible」係咩意思。
可能仲有人覺得黑超係高貴嘅象徵，係貴婦嘅代名詞，望住一個二個外國超模戴黑超嗰種超凡脫俗嘅感覺有邊個女人唔想成為一份子？只不過以我近幾年行商場嘅經驗，十個會喺商場戴超嘅七個都係強國人、一個真係鬼妹、仲有兩個就係想扮鬼妹但最後成為咗強國人咁款嘅香港人。戴超再好睇都要揀返場合去做，又唔見人地讚你著三點式靚你會著住去行街？
講咁多嘢都係想你下次除咗副黑超先好入鋪頭買嘢，唔好睇唔到路又要橫衝直撞最後撞落我度仲要對唔住都冇句啊，小姐。
一個讚好，是對我的一點支持。
如果想分享給其他朋友的話，請標明出處並附上專頁網址。FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材
請按此登錄後留言。未成為會員? 立即註冊