聽日就係情人節，我行咗入一個商場諗住去間C字頭超市買定幾包一叮就食得嘅嘢放喺屋企，等聽日一放工離開公司就直接飛的返屋企，唔洗望到一街都係情人，通街都係花。只係我忘記咗好多人會喺今日買定禮物拎定花，甚至係提早慶祝，成街已經係情人節咁嘅氣氛。結果我都望到冇心機慢慢揀嘢食，喺超市轉咗個圈就行返出嚟，諗住聽晚食公仔麵就算。就喺行出條街冇耐，突然間有個女仔走過嚟拖住我隻手，然後拉住我行返轉頭。我都未反應得切問佢咩事，佢就邊行邊同我講咗句「借你五分鐘，一陣係乜都答係就得」，我都未叫得切唔好，佢就喺幾個女仔面前停咗，然後話「唔好再話我冇男朋友，佢就係啦」，仲要拖到我實一實。「唔係下話，咁樣都得？」我打咗個充滿疑問嘅眼色比佢，我唔知佢明唔明，但佢就怒啤住我，明顯叫我唔好咁多聲氣。
「你係佢男朋友？」其中一個染咗紅色頭髮嘅人問我。
「⋯⋯係啊。」如果去到而家先話唔係我都唔知後果會點，唯有認住先。
「估你唔到喎，真係情人節前識到條仔。」另一個著住件開胸衫嘅女仔一邊同拖住我個女仔講嘢，一邊望住我。「係邊識㗎？」
「佢係我中學同學啊哥，有次食飯識嘅。」依個時候我知我唔應該出聲，萬一我地同時出聲但個地方唔同就大獲，所以我只係等佢講完然後點頭。
傾咗幾分鐘，拖住我個女仔用我訂咗位食飯做理由同佢班朋友Say Goodbye，然後又拉住我上電梯，過程仲一路望返轉頂睇下佢班朋友有冇上埋嚟。上多兩層之後佢鬆開手，然後同我講句「唔該哂」。
「是但搵個男嘅扮男朋友，你都幾特別。」
「原本有朋友扮，但佢臨時話肚痛，都唔知真定假。」
「如果我唔肯扮點算？」
「我⋯⋯我唔知。」佢突然眼紅紅。
「唔好喊，當我冇問。」我摸一摸褲袋先發現冇帶紙巾。
「同我食個飯好冇？」我未答佢佢又拉咗我入最近間餐廳。
侍應帶咗我地去一個卡位，我比個餐牌佢睇但佢好快就推返比我叫我話事，只要唔辣就得。我是但叫咗幾樣嘢食，然後好八掛咁問佢點解唔正正常常搵個男仔拍拖，因為佢絕對唔係差。佢嘅原因係之前情傷未過，唔敢信人又唔想拍散拖，不過情人節前夕又係咁比人問搵男朋友未，所以先出此下策。我聽到之後忍唔住笑出聲。
「有咩好笑喎。」
「其實你諗法一啲都冇問題吖，洗咩理朋友點諗。」
「我唔想比人笑囉。」
「都唔知話你傻定天真好。」
「兩樣都唔係。」
傾傾下啲嘢食都到齊，我地繼續邊食邊傾，發現大家都幾啱嘴型，甚至好傾到食完個飯轉場飲嘢繼續未完嘅話題。兩杯落肚之後我地講埋之前拍拖經歷，由點樣一齊，鬧交到最後分開，然後又點樣收拾心情，最後都得出只有比時間沖淡一切嘅結論。飲到兩點幾，我見佢應該差唔多到頂就叫埋單，結果起身嗰下佢一個腳步唔穩跌落我度，好彩我扶得切佢。
「唔該哂。」唔知係怕羞定醉，佢塊面真係紅得好緊要。 「住邊啊，我送你返去啦。」
「我得嘅，我行到⋯⋯」雖然佢咁講，但佢行路行到S型咁。
「唔好咁多廢話啦，我送你啦。」我截咗㗎的士扶佢上車。
「沙田第一城唔該。」好彩佢仲記得自己住邊。
「你都住沙田？」我見佢冇反應就望一望佢，佢已經挨住我瞓著咗。
的士已經到咗第一城冰站附近，我輕輕叫醒佢，然後比錢司機。「頭先幾錢？比返你。」落車之後佢好似醒返啲，起碼行到直線。
「幾十蚊由佢啦。」
「幾十蚊都係錢吖，仲有食飯飲嘢都未計。」
「下次食飯再計啦咁。」我講完依句佢突然靜咗。直到行到去佢屋企樓下我同佢講拜拜嗰陣佢都冇出過聲。就喺佢上去冇耐，我仲搵緊的士嗰陣我電話叮咗一聲。
「你聽日得唔得閒？」佢Whatsaap我。
「得啊。」
「咁聽日同我食飯啦，又可以比返錢你。」
「聽日？情人⋯⋯」打到一半再先明佢意思，我真係蠢。
「可以吖。」我Del咗上面嗰句，換咗依三個字。
「咁你記得啦。」打完依句佢繼續輸入中。
「仲有，我唔要再主動拖你啦。」
睇嚟依個女仔我可以繼續拖落去。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MaoYanDeTUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材
「你係佢男朋友？」其中一個染咗紅色頭髮嘅人問我。
「⋯⋯係啊。」如果去到而家先話唔係我都唔知後果會點，唯有認住先。
「估你唔到喎，真係情人節前識到條仔。」另一個著住件開胸衫嘅女仔一邊同拖住我個女仔講嘢，一邊望住我。「係邊識㗎？」
「佢係我中學同學啊哥，有次食飯識嘅。」依個時候我知我唔應該出聲，萬一我地同時出聲但個地方唔同就大獲，所以我只係等佢講完然後點頭。
傾咗幾分鐘，拖住我個女仔用我訂咗位食飯做理由同佢班朋友Say Goodbye，然後又拉住我上電梯，過程仲一路望返轉頂睇下佢班朋友有冇上埋嚟。上多兩層之後佢鬆開手，然後同我講句「唔該哂」。
「是但搵個男嘅扮男朋友，你都幾特別。」
「原本有朋友扮，但佢臨時話肚痛，都唔知真定假。」
「如果我唔肯扮點算？」
「我⋯⋯我唔知。」佢突然眼紅紅。
「唔好喊，當我冇問。」我摸一摸褲袋先發現冇帶紙巾。
「同我食個飯好冇？」我未答佢佢又拉咗我入最近間餐廳。
侍應帶咗我地去一個卡位，我比個餐牌佢睇但佢好快就推返比我叫我話事，只要唔辣就得。我是但叫咗幾樣嘢食，然後好八掛咁問佢點解唔正正常常搵個男仔拍拖，因為佢絕對唔係差。佢嘅原因係之前情傷未過，唔敢信人又唔想拍散拖，不過情人節前夕又係咁比人問搵男朋友未，所以先出此下策。我聽到之後忍唔住笑出聲。
「有咩好笑喎。」
「其實你諗法一啲都冇問題吖，洗咩理朋友點諗。」
「我唔想比人笑囉。」
「都唔知話你傻定天真好。」
「兩樣都唔係。」
傾傾下啲嘢食都到齊，我地繼續邊食邊傾，發現大家都幾啱嘴型，甚至好傾到食完個飯轉場飲嘢繼續未完嘅話題。兩杯落肚之後我地講埋之前拍拖經歷，由點樣一齊，鬧交到最後分開，然後又點樣收拾心情，最後都得出只有比時間沖淡一切嘅結論。飲到兩點幾，我見佢應該差唔多到頂就叫埋單，結果起身嗰下佢一個腳步唔穩跌落我度，好彩我扶得切佢。
「唔該哂。」唔知係怕羞定醉，佢塊面真係紅得好緊要。 「住邊啊，我送你返去啦。」
「我得嘅，我行到⋯⋯」雖然佢咁講，但佢行路行到S型咁。
「唔好咁多廢話啦，我送你啦。」我截咗㗎的士扶佢上車。
「沙田第一城唔該。」好彩佢仲記得自己住邊。
「你都住沙田？」我見佢冇反應就望一望佢，佢已經挨住我瞓著咗。
的士已經到咗第一城冰站附近，我輕輕叫醒佢，然後比錢司機。「頭先幾錢？比返你。」落車之後佢好似醒返啲，起碼行到直線。
「幾十蚊由佢啦。」
「幾十蚊都係錢吖，仲有食飯飲嘢都未計。」
「下次食飯再計啦咁。」我講完依句佢突然靜咗。直到行到去佢屋企樓下我同佢講拜拜嗰陣佢都冇出過聲。就喺佢上去冇耐，我仲搵緊的士嗰陣我電話叮咗一聲。
「你聽日得唔得閒？」佢Whatsaap我。
「得啊。」
「咁聽日同我食飯啦，又可以比返錢你。」
「聽日？情人⋯⋯」打到一半再先明佢意思，我真係蠢。
「可以吖。」我Del咗上面嗰句，換咗依三個字。
「咁你記得啦。」打完依句佢繼續輸入中。
「仲有，我唔要再主動拖你啦。」
睇嚟依個女仔我可以繼續拖落去。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MaoYanDeTUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材
請按此登錄後留言。未成為會員? 立即註冊