有啲女真係一出聲就知係冇腦。

毛言地 於 26/07/2017 發表 收藏文章
  老實講,依個題目搵配圖真係好難,冇理由搵個好J嘅然後話佢冇腦架係咪?所以又要麻煩遠古嘅蘭桂坊港女啦,反正佢個名夠臭,唔爭在。
 
 
  言歸正傳。正所為人不可以貌相,就算打扮再MK再摟屌都好,佢為人都可能係正正常常,識落就唔會覺佢有咩問題。但講嘢寫嘢真係冇得呃人,就好似話成班人喺餐廳齋坐(三個定八個食嘢都好啦)仲要屌返人轉頭嗰位「靚女」咁,一見佢嘅語氣同用字就真係完全幫唔落手。
 
 
  我都明正字依樣嘢唔係個知都咁重視,但「挽」吖、「卑」吖、「拉」吖依啲字我諗極都唔明咩人先用得出。一時用同聲字、一時走部首、一時換部首咁,我睇佢篇嘢都真係用咗好多時間:要諗佢句嘢點解啊。好地地一篇聲明最基本都應該寫返啱啲字吖喂,你想唔想像到讀返篇嘢出嚟嗰陣好似崔世安講普通話咁根本冇人明佢講乜?
 
 
  有啲人喺做錯嘅時候唔係真係求人原諒,而係只會死撐自己冇錯,然後喺茫茫大海之中搵幾個撐自己嘅「知音」。女人比較多,因為佢地比較易搵狗公隨時支持佢「你冇做錯到」,然後佢地就會同支持自己嘅人呻點比人鬧,點比人恰——喂,每人最低消費廿蚊你係唔夠喎,人地唔歡迎你真係有錯咩?如果真係好似你咁講只係得兩個人冇叫嘢食仲係因為要照顧細路先唔走,你同個店員個原因講我諗佢都唔會嘈你啦,最多你咪叫多兩杯凍檸茶囉,十個人每人四蚊唔係比唔起下話?
 
 
  老實講依啲事就冇話啱唔啱嘅,你唔知咪講句唔好意思然後跟返人規矩囉,我都些過幾次依啲情況啦,好聲好氣講句唔好意思然後叫返個餐有幾難?廿蚊依個價其實好合理,我諗下午茶一個西多都唔止依個價。成件事咁爆,事主柒係柒在自己樣衰完仲要喺網上講出嚟講以為人地會撐你話間餐廳無良。人地有咩錯啊?唔比你齋坐啊?件事自己咁理虧仲要公告天下,我都唔知佢個腦要嚟有乜用。
 
 
  如果你唔想有一日比個冇腦嘅朋友因為一件事而被拖落水,同佢地真係保持返一定距離,唔好咁熟比較好。假如你身邊個朋友一嘈交就會將把聲提高八度、一比人話就會講「咁人地⋯⋯吖嘛」、一諗唔到講咩就會扔哂啲粗口出嚟嘅話,我諗佢地好大機會成為下一個芝芝。
 
 
  冇腦唔緊要架,但唔好周街話比人知,好嘛?
 
 
一個讚好,是對我的一點支持。
如果想分享給其他朋友的話,請標明出處並附上專頁網址。
FACEBOOK:https://www.facebook.com/MOYINDAY
TUMBLR:http://moyinday.tumblr.com/
Fanpiece:http://women.fanpiece.com/moyinday/
圖片來源:網絡取材
標籤: 毛言地  港女  

留言


請按此登錄後留言。未成為會員? 立即註冊
    快捷鍵:←
    快捷鍵:→