男人有話兒(4)浪漫

男人有話兒 於 02/02/2016 發表 收藏文章
男人有話兒,事不宜遲,繼續男人心事。

浪漫呢個字,講就易。其實男仔唔會好似女仔咁日日追韓劇,我地對浪漫既定義就係當有怪獸出現既時候英雄救美。僅此而已。
問題係現實生活中好難搵隻怪獸出黎,無怪獸,無浪漫。
但係為左氹自己女朋友開心,男仔唯有「自找麻煩」,然後解決麻煩,希望對方覺得浪漫。
唔信?

男仔明明同個女仔住唔同地方,但都要送女仔番屋企。
男仔明明唔得閒忙到死,但都要抽時間去陪女仔食飯。
男仔明明唔識煮野食,但都要臨急抱佛腳學煮比女仔。

其他浪漫野幾乎都係呢個格式,做自己平時唔做既,做自己唔識既。
男人的浪漫,豆腐火腩飯;女人的浪漫,男人好麻煩。
雖然要製造浪漫唔一定破費,但大部份時候都要想破頭。
所以呢度比個小提示各位男生,最簡單既浪漫就係「付出」,亦即係個件事既結果其實唔係最重要,最重要反而係比對方知道你為左呢件事搞到焦頭爛額,頭破血流。
結婚揀相個時你一定要扮到好認真咁揀亦都係咁解~

柳臣相信會有兩種女生即刻就會走出黎反對。
女生A:「你講到好似好唔想咁,男仔既心意姐!咩自找麻煩講到咁難聽。」
女生B:「浪漫唔一定要自找麻煩囉!你地D男仔都唔明,只要平時多點小貼心就已經會令一個女仔覺得好浪漫。」

女生A沒錯,浪漫的確係男仔既心意,只係唔好忘記男仔係自找麻煩去表達呢種心意。佢當然唔可能同你講自己為左呢一下既浪漫做左幾多準備,但如果你真係以為製造浪漫對男仔黎講係輕而易舉,彈一下手指,就有小提琴師拉小提琴,仲有侍應送上鮮花一束。咁你實在被韓劇誤導得太深了。
女生B你就別想了,沒有男生天生會懂你們心目中的小貼心。男孩天生就是懶,什麼小貼心絕對違反男孩的天性。我們男生連陪老媽逛街都厭麻煩想逃走,現在和你逛街還得隨時注意你站左還是站右,車子在那邊經過,還不是「自找麻煩」?

男人有話兒:浪漫。麻煩,不過大抵我們是認命了。

如果喜歡我們的文章,請即分享到︰

標籤: 浪漫  麻煩  英雄救美  付出  貼心  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→