男人有話兒（５）男人到底鐘唔鐘意女人化妝 精選 推薦

男人有話兒之男人到底點睇化妝？

化妝，可以話係女人既第二份工。女士花係化妝上既時間隨時比男人睇波同打ＬＯＬ仲多。
女人化妝照計係化比人睇架，咁但係好多男人都會話：「我鐘意女人唔化妝，自然Ｄ咪幾好！」
但如果有女士好天真咁相信呢句，你可以試下攞十幅有化妝同冇化妝既女仔相，問佢覺得邊幾個靚。
柳臣敢寫包單，世界上絕大部份既男人都係會揀有化妝個幾張。
同理，你都可以好容易發現，出街有男人行注目禮既女士，都係化左妝既女士。
咁係咪即係男人呃你，係咪天底下既男人都鐘意化妝既女人呢？
又唔係喎！
其實盲點在於，男人真係好膚淺。除非你化到好明顯，唔係好多男人根本唔知你化左妝。
除非你隻眼化左條彩虹出黎，如果唔係你打下粉底，上左唇膏，男人係唔會意識到你原來有化妝。
男人對女士既注意只在乎結果，用番港女既講法，姐係成個「package」。
再直接Ｄ，男人只會睇到「靚」同埋「醜」。
所以男人連你有冇化妝都注意唔到，咁你而家明白點解永遠當你問佢：「我今日有咩唔同咗啊？」佢都答你唔到啦。
講番化妝。另一件事。
柳臣代表所有男士，真誠咁講個真相比各位女士知。
我地真係唔介意你地化唔化妝．．．．．．我地只係介意你化得唔靚，又或者．．．．．．你本身唔靚。
雖然呢個真相好尖酸刻薄，但對於男人黎講，鬼理你化妝定化肥咩。
男人唔係鐘意女人化妝，而係鐘意女人靚。

姐係：
「鐘意唔化妝既女士自然Ｄ」，心個句係指男士鐘意自然靚既女士。
咁問題就黎啦！如果你唔靚呢？
男人就會退而求其次，鐘意化妝化完之後靚既女士。
明未？
男人有話兒：男人鐘意靚女，唔理你有冇化妝。