好驚男朋友/女朋友出軌，應唔應該管另一半好？ 精選

我成日都寫文叫大家比啲空間對方，但係知唔知比太多都唔得架？男人嗰隻唔係出軌，係偷食，姐係因為性衝動搞既one night stand，玩完大家各有各生活就完。但係女人一旦出軌，就會真心中意人地，所謂既「跟佬走」、「笠綠帽」就係咁黎喇。所以女人唔管？更易出軌。

我曾經聽過一句說話覺得好有道理：「女人專一但絕情 男人花心但長情」，意思係女人中意一個人會付出一切，只有極少數可以將性同愛分開，咁所以當你由得佢單獨夜晚見男閨密；狗公平時瘋狂wtsapp佢都視而不見既話......佢真係分分鐘比人溝走呀！到時佢既愛已經轉移左比第二個，絕情一刻恐怖到你無法想像。
相反男人平時中意flirt下女、搞曖昧，玩完最後其實都想同女朋友一齊(當然我唔係推崇咁樣係啱)，但當男人認定女朋友係結婚對象就好難變心，就算有個勁靚既女仔都未必想同佢長遠發展。


男女都好 對方有以下既徵狀要留意：

1. 成日聯絡唔到、搞失蹤

2. 特登離開你視線範圍wtsapp

3. 突然買大量靚衫，但同你出街嗰陣冇著過

4. 你要求親熱會抗拒，冇原因(明明唔係第一次)

5. 冇啦啦係咁話你呢樣唔得、嗰樣唔得


最後澄清，唔想大家睇完對另一半起疑心~~之不過想話你知適量緊張係正常既，只要你唔係要求秒回/分分秒秒報到/完全禁止同異性朋友傾偈....就得啦。點都好，對自己有信心之餘，亦唔好過度放縱另一半去蒲去玩呀。_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________