情侶去旅行要注意既事項！ 精選

依家個個新年假去曬旅行，咁就簡單講下情侶去旅行既禁忌啦。因為..唔少情侶真係唔知點解，一去完旅行就會炒大鑊分手，好似一個魔咒咁。


蕩失路都唔可以亂發脾氣

出國旅行係冇可能未試過行錯地方，最緊要慢慢行唔好急，去之前搵定曬Google map同旅遊書，mark低點行。就算去到唔識都可以問當地人，手語同身體語言就國國通行喇。唔好為左蕩失路怪責對方，想搵路要同心協地，否則你行左、佢行右，到時喺外國遇到意外就唔好啦。

大家一齊規劃行程

如果你依家叫對方自己一個諗去邊玩，攤曬大手板比佢一個人搞，到時旅行個陣就唔好對行程有不滿喇~因為係你放棄選擇權利先既。如果你有責任心既話，就應該揀自己較擅長既部分，例如數口精就負責格價、買機票、訂酒店，唔好野就佢做、玩就你玩。
旅行既時候要顧及雙方意願

唔可以只係去曬行街shopping，亦唔可以只係喺酒店hea時間，否則一邊就會好開心，另一邊成個trip悶悶不樂架喇。其實做咩都唔係好重要，最重要係佢喺你身邊嘛。

盡量避免係外國發脾氣走佬

外國人生路不熟，你一走左去，叫對方點搵返你返黎呢？最後就係因為一件小事而令大家成個旅程都好唔開心呀。

最後就係外國唔好搞出人命呀

你地知啦，都講到口水乾架喇：萬大事安全第一🐰(夫婦唔計)，唔係返到香港就大頭佛了。
_________________________________________________________________
如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________