男人應唔應該幫女人拎袋？ 精選 推薦

本身呢個話題同上篇一樣咁有爭議性，上篇《拍拖應唔應該AA制？》(傳送門：http://s.fanpiece.com/qAoZUQO)有9成人都撐AA或者逐餐請既方法。不過拎唔拎袋呢個問題就一半半喇，最特別既係，多數支持拎袋既都係男人添！


大部分女人係反對男朋友拎袋既，因為自己個袋咁粉色/有公仔圖案，男朋友拎會好肉酸 比人笑乸型，寧願自己辛苦都唔想男朋友幫自己拎。或者特登喺事先將手袋換背囊，咁佢地幫手就唔會覺得咁突兀喇。

相反男朋友好多都唔介意既，佢地見到心愛既人拎住咁重野會心痛，所以唔少都會主動想拎。可能有啲女仔話拎少啲野出黎咪得囉，但如果份工要見客既話，notebook同計劃書已經係必須，呢度嗰幾kg已經拎到手殘。加埋暖水樽迫於無奈地令個袋重左，呢個時候男朋友想拎陣都唔過份。(反而係啲女仔話拎手袋乸型
所以先搞到啲男人唔敢拎lol)
而我個人就覺得兩邊都冇錯，女朋友唔想男朋友比人笑，男朋友又唔想女朋友辛苦，大家都係為左大家好姐，冇必要話死邊一面係錯。都係嗰句啦：最重要係態度問題，如果男朋友自願拎都冇乜野。
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________