【節日限定】情侶2016三大聖誕好去處(下篇) 精選 推薦

上兩次都係集中講商場既靚靚裝飾，今次就講聖誕節正日究竟可以去邊喇！我自己就好中意行市集既，不過有兩個市集都已經過左lu，唔緊要，我地仲有一個非常大型既市集同兩個嘉年華可以去呀！！快啲轆去下面睇睇喇喂~

奧海城大型歐陸聖誕市集

喺24同25號兩日下晝1點至夜晚9，西九龍奧海城2期地下露天廣場會有超過80個攤位售賣不同的手作、應節物品，另設有工作坊同舞台表演。睇相就好似幾有feel，唔知實際去到會係點架呢？小編都會去呀！！

AIA友邦歐陸嘉年華

由依家起至2017年2月12日既上午11點至夜晚11，中環海濱活動空間都會有呢個嘉年華！大人照舊125蚊(包10個代幣)，比你贏高質毛公仔返屋企。今年除左有機動遊戲同遊戲攤位之外，仲有新野玩架，包括3000呎迪士尼4D體驗區同浪漫的3D七彩蘑菇彩燈，唔單止玩仲有得影相添。

東華極光飄雪嘉年華

由依家起至2017年1月14日既下晝3點至夜晚9點半，黃大仙摩士公園游泳池都會有呢個嘉年華！(唔好同AIA嗰個搞亂呀)不過最最最最重要係~~~~呢個嘉年華免費入場架！嘉年華以冬日歐陸色彩作主題，重點以50呎闊x10呎高既大型銀幕作為極光投影。
遊樂設施方面有大型充氣彈床同VR虛擬實境體感遊戲。另外有押花藝術、禪繞畫同蝶古巴特手工藝工作坊。成個嘉年華設計到成個歐陸小鎮咁，加埋聖誕樹、聖誕木馬其實幾正。

_________________________________________________________________
如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________