愛情信箱27：男朋友要考公開試入大學，變左冇時間同我傾偈 精選 推薦

問題：

你好吖！我同我男朋友之間好似一直有啲問題但係吾知點解決，想問人意見但係又吾想比朋友知。

我同男友一齊差不多一年啦，可能係因為過咗個所謂熱戀期，所以開始有啲吾開心。男友嚟緊要考dse，所以成日都好忙。我明白佢有壓力，所以都冇再好似以前咁成日搵佢，話佢hea覆我etc。係周不時同佢打下氣，send一兩句加油咁，等佢做完野嘅時候再搵我。不過可能自己仲未習慣佢吾再可以好似以前咁陪我咁多，所以有時都會因為啲小事而吾開心同喊。我自己知自己咁樣都好小氣同自私，所以寧願自己調整心態就算，吾想男友因為我而加重壓力。
但係男友問到我點解吾開心嘅時候我又忍吾住同佢講。我以為佢會安慰我，至少同我講佢吾覺得我咁樣係自私小氣嘅行為，但係每次去到呢個位，佢只會話佢係個好差嘅男朋友或者直頭吾岀聲，最後反而係變咗做我安慰佢而吾係佢安慰我。

男朋友係個吾識表達自己嘅人，平時對其他人都好少講野，係對住我先好多野講。究竟我地係邊度岀咗問題😩可以點樣解決😔係咪因為我地兩個都係冇自信、冇安全感嘅人？
_______________________________________________________________________________________

回覆：
其實DSE係真心好忙，佢有時間同心情覆到你已經好好，正常如果想入大學應該電話都要放埋一邊。所以DSE嗰陣拍拖真係好辛苦，未考嗰個要慢慢等佢考完先。如果你等唔到，建議你陪佢去溫書，咁樣雖然大家傾唔到偈都可以一齊嘛。你亦可以學下煲湯比佢支持佢，或者佢溫完一課就鍚啖佢，佢會更加有動力溫書之餘，又唔會因為要顧及你既感受而影響佢溫書心情。你問你地有咩問題？你地冇問題呀，只係佢要面對人生好重要既考試而已。