佢究竟係玩你，定係認真發展？ 精選 推薦

其實唔少人都有問我呢條問題：「究竟點樣睇得出佢想同我認真發展，定係攝時間/發洩性慾既對象？」你知啦一齊得梗係想長久咁拍，但唔好彩遇到情場Player真係唔知點算。


首先你要睇大家喺邊度識，如果喺老蘭、交友網站、wechat，我可以講9成9都係為左扑野。不過...你要睇下佢係咪蒲開，或者成日搵唔識既女女/仔仔傾偈。如果唔係.....只係嗰日咁啱咁撞到，可能要用另一個方法睇佢係咪真心喇。

之後就要睇wtsapp傾啲咩，假若你地啱啱識佢就講「你patpat好正」、「你啲肌肉好結實」、「望到你會扯旗」、「幾時上黎我屋企飲野」之類既說話，佢個腦實係好想同你搞野多過拍拖。加上你平時講啲正常野嗰陣，佢表現到唔係咁想傾、唔耐煩.......你問佢大家係咩關係又含糊帶過，咁好明顯佢真係為左性方面喇。

想更加肯定佢既意圖？咁你真係試下同佢去一次街啦。當大家唔係識左好耐(唔係拍左一段時間)佢就毛手毛腳，係咁用隻死人手摷你，就算一個人真係好咸濕都唔夠膽第一次出街就咁做啦！除非佢好熟練、有多次拍拖經驗，或者真係想有下場先會咁大膽囉。
中曬以上咁多個條件？唔好唔開心，努力再搵一個真心愛你既人吧。
_________________________________________________________________

如果中意我既文可以去我Instagram ：lovestoryhk

_________________________________________________________________