最慘既分手莫過於「淡左」 精選 推薦

你同佢明明好愛大家，前幾日先至吻過佢既面、親過佢髮絲，唔知點解呢刻佢好似變左另一個人，變成一個...你完全唔認識既人。佢話比你聽甜蜜都係偽裝出黎，為既只係唔想你知道真相後會咁傷心。無論你幾咁聲嘶力竭地挽留佢，佢都冇諗住改變自己既決定。

佢用力扯開你隻手，同你講：「淡左就係淡左，冇第三者。」講完就轉身消失喺模糊既淚水中...


「淡」？乜愛一個人原來係咁兒戲，愛嗰陣可以隨便搵到中意既原因；唔愛嗰陣，原來係唔需要原因。或者如果佢同你講佢出左軌，你都唔會咁迷茫、咁痛苦，因為你仲有原因去憎恨佢，令佢喺你記憶裡面刪除。

當初你同佢仲係一齊既時候，畫左條路比大家行，終點係一個家。依家佢已經離開左條路，而你仍然行緊原本屬於兩個人既路。因為你早就已經預留左位置比對方，好想好想可以同對方繼續行落去。

不過如果你願意接受呢個事實，勇敢咁行過另一條新路，你會發現有唔少受過傷既人企左喺度。伸一伸手，同佢講下你既遭遇，可能你同佢先係命中注定既一對。_________________________________________________________________

如果中意我既文可以去我Instagram ：lovestoryhk

_________________________________________________________________