(｡◕‿◕) 瘋狂食法式薄餅 ♥ 抵食午市套餐 ♥ La Crepeie (◕‿◕｡) 精選

認識呢間餐廳係因為Sugar Apps, 之前都有去幫襯過上環分店，
當中的焦糖雪糕薄餅令人回味無窮， 所以知道佢係銅鑼灣開左分店，立即同同事嚟開飯！
裝修係一貫的海洋風！

我地早到不算太多客人，但一到一點就滿人了，
所以Book枱比較好，打工仔無時間等位嘛！（唔好話去游水啦）

最新推出的Set lunch，售價$88-138包飲品， 選擇除左法式咸食薄餅，仲有沙律或意粉，仲可以加$20-30配甜品（甜食法式薄餅）
以平時$60-$80一個甜品計，一咸一甜都係百零蚊，的確抵食。
飲品我揀左 Apple Cider (Sweet)， 含酒精量2%少少甜，都算幾易入口。留意下個杯係冇耳仔的，好得意好特別。

人多自然選擇多Share 食最開心！同事A 揀左 La Marin $138
咸食的法式薄餅顏色比甜食的深色，入口少少脆身，上面舖左帶子，
用白酒煮的蘑菇煙肉汁，帶子煮到剛剛好，入口好Juicy, 白酒醬挺身，唔會浸淋晒個薄餅！

我叫左 La Piano $118摺到正方形的法式薄餅內放左菠菜，煙三文魚同埋半熟蛋，看見半熟蛋水汪汪的樣子，未食已覺得好吸引！因為中間隔左菠菜，所以都保持到脆口，
一脆（皮）一滑（餡料）對比下，有足夠口感的刺激！好好食！

同事C揀左龍蝦沙律 $138估唔到沙律大都有一個小小的法式薄餅墊底，龍蝦肉好彈牙又大粒，Dressing 唔會好厚身，仲加左好多蔬菜如小番茄，露筍等，係我心目中健康的沙律，因為Dressing 唔多，墊底的法式薄餅都無話淋晒！

甜品啦！放監啦！我就梗係揀Crepe Vanilla Icecream Salted Butter Caramel Sauce 啦 （跟餐另加$30）
好抵食！之前用apps優惠價買都要$60！！
甜食嘅法式薄餅會軟身啲，加埋瘋狂焦糖，同事甲乙丙已High 左，熱的薄餅加上冰凍的雲呢拿雪糕，每次都唔會失望，令人回味無窮！

Crepe Chocolate and Caramelized Banana 格仔Pattern 的朱古力醬，又香又濃，啱晒朱古力迷，焦糖漿無咁多相對無咁甜啦，
比較適合怕甜的朋友呀.

呢個係Off Menu 的，午市沒有的，但因為我地好想食，所以特別order 的！上枱會點火，檸檬雪葩加埋軟身的Crepe, 酸酸甜甜得嚟唔會好漏，清新之選！
食飽飯，又係時間返公司做埋下半部份工作了，唉！

LA Creperie
銅鑼灣駱克道459-461號The L. Square 8樓 2898-7123 (建議訂位)
For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare