兩個人一齊耐咗，反而...變得唔識去拍拖。 精選

兩個人一齊耐咗，反而...變得唔識去拍拖。

初初處於熱戀期，只要兩個人拖住手，無論去邊到、玩啲乜都一定係拍拖好去處，就算只係睇場戲都已經好甜蜜。就算對方犯錯，你都好似做咗寬恕大師一樣好快就原諒佢，轉個頭又糖黏豆一樣咁繼續放閃。

或者開心激情每個人都識，但無奈新鮮感就好似鈣質一樣會隨住時間而失去，反而一段愛情點樣去細水長流先係最難，呢樣相信亦都係好多情侶最怕面對嘅改變..
.
.

其實兩個人相處就好似長跑接力賽一樣，喺呢段愛情道路上面，兩個人都需要付出去維繫，即使...兩個人當中總有強弱之分….即係話有一方總會愛多啲、付出多啲，亦係呢場長跑賽事會係最辛苦嘅一個..
即使係咁，但你仍然好想同對方一齊跑落去。
.

有人曾經講過愛情從來都唔會男女對等，總會一個付出多啲，一個被愛多啲，但最重要嘅，係兩個人都想繼續去完成、盡力去跑...怕就只怕嘅係對方想突然放棄...

呢刻即使你能力再大、跑得幾快都係無用，因為一個人係無辦法完成「接力」賽事
.
.
.
有人以為拍拖耐咗，開始熟習對方生活細節，好多嘢都唔需要再花機去做

情人節唔會再送禮物，因為你知佢唔會嬲
夜晚唔再送佢返屋企，因為你知佢無所謂
兩個人好似變得唔識拍拖，其實只係你知道對方底線，就選擇愛得比以前更加懶惰、更加唔上心
.
.

其實拍拖無話識唔識，只係，你仲想唔想去拍呢段拖、想唔想維繫呢段感情

P.S 其實難得遇上對方，與其漫無目的繼續尋尋覓覓，咁點解唔好好珍惜現在所擁有？:)


FB:熱豆腐仔
https://www.facebook.com/hothottofu/

IG: hottofuzai
https://www.instagram.com/hottofuzai/