或者你會試過以下情況：行行下街，你女朋友突然捉住你隻手臂一嘢咬落去。嗰一刻你痛到想大叫，想用丹田氣講句粗口出嚟，但礙於面子，唔想比人當痴線佬，你死忍爛忍，終於忍到你女朋友鬆口。你即刻縮手望下手臂上嘅牙印，深到直頭可以當係個模咁印返棚牙出嚟，差小小應該會見血；而你女朋友就一面得意咁望住你，然後當乜事都冇發生過咁拖住你繼續行。
好痛咩？其實你好幸福。
搵一個願意咬你嘅女朋友比搵一個願意同你上床嘅女朋友更難。唔信？女人可以同個識咗兩個鐘嘅男人爆房，但絕對唔會無啦啦咬一個識咗兩個鐘嘅男人嘅手臂：你試下而家喺老蘭搵條女調下情，然後情到濃時叫佢咬你隻手臂，佢一定會當你係痴線佬。有人話一個女人想喺自己鐘意嘅人身上留低印記所以會咬人，聽落好似有啲怪，但你諗返嗰個鐘意咬你嘅女朋友，無論係大大力怕咬你唔死，定細細力怕整痛你都好，佢咬完你嗰個表情可能比同你上完床更滿足，更開心，因為佢搵到一個值得自己「肉緊」嘅男人，唔單止願意為你付上身體，更願意為你留下印記——一個佢為你留低，獨一無二嘅牙印。
以前有一個女朋友好鐘意咬我，出親街唔咬返一兩次都好似唔安樂咁。我嗰陣都唔明佢點解要咁做，不過見佢咬完咁開心，所以每次佢要咬嗰陣我都唔會反抗，甚至主動遞埋隻手去佢嘴邊，「咬啦你」咁樣。嗰陣係我同佢最親密嘅時期，到後來我同佢開始鬧交鬧得多，大家關係開始淡嗰陣佢就冇再咬過我。可能係我已經變得可有可無，可能係我地之間再冇依種情趣，依個只有佢先可以留低嘅牙印直到同佢分手為止就冇再喺我身上出現過。
咬依個動作你可能覺得低能，但一個女人只會喺一個自己所愛嘅人面前先會表露佢淘氣嘅一面，依點同男人喺女朋友面前特別幼稚其實好相似。若果你有幸得到一個咁樣嘅女朋友，你千祈唔好叫佢「你正經啲好冇」咁啊：搵到一個咁愛自己嘅女人，搵到一個願意喺你面前表露真性情嘅情人，唔係就係個個男人夢寐以求，最理想嘅戀愛感覺咩？
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/圖片來源：網絡取材
好痛咩？其實你好幸福。
搵一個願意咬你嘅女朋友比搵一個願意同你上床嘅女朋友更難。唔信？女人可以同個識咗兩個鐘嘅男人爆房，但絕對唔會無啦啦咬一個識咗兩個鐘嘅男人嘅手臂：你試下而家喺老蘭搵條女調下情，然後情到濃時叫佢咬你隻手臂，佢一定會當你係痴線佬。有人話一個女人想喺自己鐘意嘅人身上留低印記所以會咬人，聽落好似有啲怪，但你諗返嗰個鐘意咬你嘅女朋友，無論係大大力怕咬你唔死，定細細力怕整痛你都好，佢咬完你嗰個表情可能比同你上完床更滿足，更開心，因為佢搵到一個值得自己「肉緊」嘅男人，唔單止願意為你付上身體，更願意為你留下印記——一個佢為你留低，獨一無二嘅牙印。
以前有一個女朋友好鐘意咬我，出親街唔咬返一兩次都好似唔安樂咁。我嗰陣都唔明佢點解要咁做，不過見佢咬完咁開心，所以每次佢要咬嗰陣我都唔會反抗，甚至主動遞埋隻手去佢嘴邊，「咬啦你」咁樣。嗰陣係我同佢最親密嘅時期，到後來我同佢開始鬧交鬧得多，大家關係開始淡嗰陣佢就冇再咬過我。可能係我已經變得可有可無，可能係我地之間再冇依種情趣，依個只有佢先可以留低嘅牙印直到同佢分手為止就冇再喺我身上出現過。
咬依個動作你可能覺得低能，但一個女人只會喺一個自己所愛嘅人面前先會表露佢淘氣嘅一面，依點同男人喺女朋友面前特別幼稚其實好相似。若果你有幸得到一個咁樣嘅女朋友，你千祈唔好叫佢「你正經啲好冇」咁啊：搵到一個咁愛自己嘅女人，搵到一個願意喺你面前表露真性情嘅情人，唔係就係個個男人夢寐以求，最理想嘅戀愛感覺咩？
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/圖片來源：網絡取材
請按此登錄後留言。未成為會員? 立即註冊