成世人流流長，你總會遇到一個人咁講，或者你就係依個人。
「我嘅初戀情人就係我老公／婆」何等夢幻，但試問有幾多人經得起外面種種誘惑，由此至終都同一個人行落去？當你拖住現任，行出街總會有另一啲性格打扮完全唔同嘅異性吸引到你目光：總有幾個嘅氣質打扮你未試過，總有幾次你會諗下如果有同而家完全唔通嘅拍拖生活會幾刺激——人嘛，總係貪新鮮，總係有好奇。結果你對依段關係愈嚟愈淡，唔係佢做錯啲咩，唔係佢有咩唔好，只係你對依段關係冇咗新鮮感，冇咗一齊落去嘅理由。
以上係好多人十八廿二嗰陣嘅心聲。
你唔可以話佢地玩你，因為佢同你一齊嗰陣係愛你，係想同你發展。只係時間耐咗，佢渴求另一個方式嘅戀愛、另一種性格嘅戀人、另一段你唔會比到佢嘅感受。愛是恆久忍耐，愛是一生一世？後生仔女唔會信依種咩至理名言，有Feel有新鮮感就一齊，然後熱情減退就再搵目標，畢竟身處一個森林無需急於同一棵樹落地生根。你可以話依種生活好濫，甚至淫亂，但又有邊個可以肯定自己嘅「初戀」真係值得為佢奉獻一生？叫後生仔創業都識同佢講衰咗有時間翻身，其實放返喺感情咪又係一樣：而家唔試多幾個，唔通等三四十歲，結咗婚先嚟試新感情？
公平啲講句，玩就男女都有份玩，但比人嫌棄嘅九成都係女人？依點我真係唔明點解。有人話女人玩得太癲最後要搵毒男執手尾去玩個一百幾十手嘅「西隧」好可恥，我就諗極都唔明到底處女係咪唯一斷定係咪好女仔嘅標準——或者調返轉講，一個女人三十年嚟冇同男人纏綿過，一個女人就比好多個男人搞過，你係咪一定揀處女結婚？嗱，我冇話過佢地一樣靚嘅，咁三十年都冇男人要嘅有幾花容月貌傾國傾城就靠你自行想像。而且你有冇聽過女人嫌棄你細佬搞過好多次？最多係怕你以前冇帶套，怕你而家有暗病。
唔好抱怨好幾個情人都唔重視你地嘅關係，最後要分手收場，畢竟大家都咁後生，未玩夠嘅真係一啲都唔出奇。又或者我換個角度咁講，如果每個人每次拍拖都要對方係絕對值得信賴，揀靈魂伴侶咁揀過先肯一齊的話，你肯定以前，甚至而家自己真係有條件比人揀中？
及時行樂，你都有得益過。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材
「我嘅初戀情人就係我老公／婆」何等夢幻，但試問有幾多人經得起外面種種誘惑，由此至終都同一個人行落去？當你拖住現任，行出街總會有另一啲性格打扮完全唔同嘅異性吸引到你目光：總有幾個嘅氣質打扮你未試過，總有幾次你會諗下如果有同而家完全唔通嘅拍拖生活會幾刺激——人嘛，總係貪新鮮，總係有好奇。結果你對依段關係愈嚟愈淡，唔係佢做錯啲咩，唔係佢有咩唔好，只係你對依段關係冇咗新鮮感，冇咗一齊落去嘅理由。
以上係好多人十八廿二嗰陣嘅心聲。
你唔可以話佢地玩你，因為佢同你一齊嗰陣係愛你，係想同你發展。只係時間耐咗，佢渴求另一個方式嘅戀愛、另一種性格嘅戀人、另一段你唔會比到佢嘅感受。愛是恆久忍耐，愛是一生一世？後生仔女唔會信依種咩至理名言，有Feel有新鮮感就一齊，然後熱情減退就再搵目標，畢竟身處一個森林無需急於同一棵樹落地生根。你可以話依種生活好濫，甚至淫亂，但又有邊個可以肯定自己嘅「初戀」真係值得為佢奉獻一生？叫後生仔創業都識同佢講衰咗有時間翻身，其實放返喺感情咪又係一樣：而家唔試多幾個，唔通等三四十歲，結咗婚先嚟試新感情？
公平啲講句，玩就男女都有份玩，但比人嫌棄嘅九成都係女人？依點我真係唔明點解。有人話女人玩得太癲最後要搵毒男執手尾去玩個一百幾十手嘅「西隧」好可恥，我就諗極都唔明到底處女係咪唯一斷定係咪好女仔嘅標準——或者調返轉講，一個女人三十年嚟冇同男人纏綿過，一個女人就比好多個男人搞過，你係咪一定揀處女結婚？嗱，我冇話過佢地一樣靚嘅，咁三十年都冇男人要嘅有幾花容月貌傾國傾城就靠你自行想像。而且你有冇聽過女人嫌棄你細佬搞過好多次？最多係怕你以前冇帶套，怕你而家有暗病。
唔好抱怨好幾個情人都唔重視你地嘅關係，最後要分手收場，畢竟大家都咁後生，未玩夠嘅真係一啲都唔出奇。又或者我換個角度咁講，如果每個人每次拍拖都要對方係絕對值得信賴，揀靈魂伴侶咁揀過先肯一齊的話，你肯定以前，甚至而家自己真係有條件比人揀中？
及時行樂，你都有得益過。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材
請按此登錄後留言。未成為會員? 立即註冊