【情人節又殺到黎啦】情人節送禮物四大禁忌！ 精選 推薦

情人節無情人固然愁，但有情人亦一樣愁。因為，又要諗買咩禮物好(ノ-_-)ノ~┻━┻

禁忌一：無新意
買咩好。呢個問題真係一年難過一年。
因為上年買過既，自然唔可以再翻炒。
但係其實禮物既野，不外乎離離去去都係個啲，兩三次就話姐，問題係一年都好幾個情人節啦！再加埋咩聖誕啊，生日啊，紀念日一二三四啊！
一年要買十份八份禮物送比男女朋友真係一啲都唔出奇。咁所以禁忌一：忌無新意，送禮年年一樣，對方唔悶你自己都悶啦！你估宜家送藍罐曲奇咩？

禁忌二：無誠意
無誠意係死罪相信大家都明，但係去到咩地步先至為之無誠意呢？
我認為呢一點係值得注意既。呢個禁忌係提醒你，要注意你既男女朋友對個個節日既重視程度。
如果佢化行曬妝，成個月前就開始扮唔覺意探你口風，你就知道佢心中都對你份禮物係有一定既期待。
咁唔該各位就自動醒水啦！唔好送啲太街邊貨，更加唔可以係假貨，Ａ貨，唔係被佢發現就會覺得你無誠意。
然後佢就會覺得你唔重視佢．．．．
禁忌三：亂買一通
新意誠意講完，情侶之間，自然要講情意。情意其實即要要令到對方能夠從你份禮物入面睇出你為佢付出了的心機。
無心機既禮物就算送得再多，都只係雜物，廢物。所以送禮物亦忌亂買一通，千祈唔好以為係去超市大掃貨，買一大堆野送俾佢佢就會開心。
又唔係送現金，多，係無用架！

禁忌四：忌浪漫
浪漫都唔好？無錯。浪漫雖然可能會令對方好窩心，但同時亦係一場高風險賭博。
除非閣下藝高人膽大，天生係情聖冧女無數。（誒．．．．咁你都唔需要睇呢篇文啦～）
否則唔好自作浪漫都係揀禮物既一大避忌。浪漫最大問題，係源於浪漫係無標準定義。你以為你準備咗好多野好浪漫啫，可能對方根本覺得好無聊好浪費。到時佢又尷尬你又尷尬，就無謂啦！

嘩！柳臣你講到咁咪姐係咩都唔送得？咁我死梗啦！黎緊情人節點算？
唔洗急，柳臣當然唔會淨係話俾你知呢樣唔得個樣唔得啦！
距離情人節仲有一段時間，今次先講住情人節送禮物五大禁忌，下次再同大家講情人節送禮物既三大要訣。
想知記得like 柳臣緊貼我既fb page啦！