【情人節又殺到黎啦2】情人節送禮物三大要訣！ 精選 推薦

未睇第一篇文【情人節又殺到黎啦】情人節送禮物四大禁忌！可以click入去睇番！

呢篇文就講下情人節送禮物三大要訣！
一）講金又講心，女友至開心！
講心唔講金？聽完咪當真。
係！大家都識講錢解決唔到所有問題，但錢可以解決到絕大部份問題。
但講金亦都唔係簡單咁講「錢」，而係「物質」。
而呢樣野最好係可以keep到既，排除所有花啊，食物啊之類放唔得耐既野。佢可能唔貪錢，佢可能唔港女，但係你講心又講金，佢心裡亦不會怨你。
反而會覺得你在物質和心意上都給她最好。
無形既愛當然高尚，但係物質上有足夠誠意，亦是跳上保險線的做法。
唔係話要土豪，亦都唔一定講錢就俗，只需要記住一年一次，別省這少少錢就是了。

二）挑不實用的買
實用既就唔叫禮物，叫日用品。
如果禮物要實用，咁你不如送Ｍ巾啦！夠曬實用～
有人好鐘意送銀包之類，唔係唔得，但係一黎貼身物品真係好講個人口味，二黎亦無咩驚喜。所以實用既生活用品都係留番平時送，情人節盡挑不實用的買就對了。

三）其實最重要都係令對方感到你的情意
聽落好虛？睇埋落去你就明白，所謂情意其實無你想像中咁難。
咩先叫一份有情意既禮物呢？粗糙咁講可以話係一份表達到愛既禮物。
好多人都會覺得自己手製係容易表達到情意既。由此推論，「情意＝睇到你付出」，再直接啲，就係「睇你辛苦」。
只要你俾佢睇到你為咗取得呢份禮物黎送俾佢既過程係幾咁千辛萬苦，那怕你最後送俾佢既只係大海裡面既一塊石頭，只要你為咗呢塊石頭不惜著住西裝走到海邊搞到件西裝污糟曬，搵到十隻手指都損曬，件禮物都會變得好有情意。
當然唔係叫你真係走去沙灘，而係舉例話俾你知，令對方感到情意，同份禮物本身可以無關係，而係你點揀呢份禮物，你點送呢份禮物，你點包裝呢份禮物有關。所以無論送咩禮物俾情人，最後都離唔開情意。
呢個情意，可以體現係你金錢既付出，或時間勞力既付出，或者見到你絞盡腦汁既付出。

柳臣祝大家都可以快快樂樂過情人節啦！
如果鐘意呢篇文，請花兩秒鐘like 柳臣fb page等我知！