香港工時長，有時拍拖想搵個好啲嘅地方都唔係咁易。
女友經常投訴道：「我地差唔多行哂香港嘅商場喇⋯⋯有冇啲特別啲嘅地方去啊？」
其實我都明白佢嘅想法，但喺香港，選擇少，消費高，好多時身不由己想搵個特別啲新奇啲的地方去都難。星期一至五仔仔女女番工番學，到咗夜晚先算有得閒嘅時間約食餐飯。頹頹地可能譚仔、茶木、Foodcourt，貴啲就牛陣、元氣、Greyhound。你可以話呢個係拍拖，但我認為，拍拖係特登搵一日出嚟陪對方，而唔係就咁食餐飯算。有時可能睇下幾時有新嘢出（Ulifestyle嘅啲呢，拍拖嘅一定會步定幾時有新嘢揀定日子去），就約埋一齊去，但其實大家的routine都差唔多：睇有咩新戲上，有咩新開嘅嘢食／飲搵日去，邊度有舖頭新開張或者減價問女朋友去唔去，邊個商場有新擺設去影相打卡⋯⋯呢啲就係香港情侶嘅拍拖活動。
再者，香港地消費水平高到一個點，想話搵日拍拖喺旺角睇套戲食餐沾麵都閒閒地兩個人四五百。如果想消費冇咁高，可以去行商場，但講真，同一個商場行兩三次已經行到熟哂，冇乜嘢係未睇過。次次同女友行APM，iSqaure等都係去Log-on呀，FrancFrance或者書店過下日神，但其實來嚟來去都係嗰啲嘢，你唔悶我都悶。有時都唔知點解去死都係嗰幾度。
（以上只係筆者個人經驗，可能同你的意見唔同）
雖然話就話好似冇乜選擇咁，但其實香港已經好好，至少你有好多享受可以同女友一齊過。拍拖本身根本唔自在去邊度、做乜嘢，其實拍拖只係想兩個人一齊，見下對方，就算只係靜靜地坐下，行下街，都已經可以好開心、好滿足。
同埋，拍拖最重要係心思。如果其中一方願意擺多啲心思喺對方度，好似預先計劃定行程，例如週日去行山、下白泥睇日落、南丫島、長洲，想留喺室內的可以去博物館、圖書館（天水圍圖書館好大），除咗唔駛好多錢之餘仲夠新奇特別，其實已經可以創造屬於你地兩個獨一無二的回憶。
所以，加油吧！
如果喜歡帖文，歡迎支持我！FB：[小情人 Young Couple]https://www.facebook.com/littleyoungcouple/
女友經常投訴道：「我地差唔多行哂香港嘅商場喇⋯⋯有冇啲特別啲嘅地方去啊？」
其實我都明白佢嘅想法，但喺香港，選擇少，消費高，好多時身不由己想搵個特別啲新奇啲的地方去都難。星期一至五仔仔女女番工番學，到咗夜晚先算有得閒嘅時間約食餐飯。頹頹地可能譚仔、茶木、Foodcourt，貴啲就牛陣、元氣、Greyhound。你可以話呢個係拍拖，但我認為，拍拖係特登搵一日出嚟陪對方，而唔係就咁食餐飯算。有時可能睇下幾時有新嘢出（Ulifestyle嘅啲呢，拍拖嘅一定會步定幾時有新嘢揀定日子去），就約埋一齊去，但其實大家的routine都差唔多：睇有咩新戲上，有咩新開嘅嘢食／飲搵日去，邊度有舖頭新開張或者減價問女朋友去唔去，邊個商場有新擺設去影相打卡⋯⋯呢啲就係香港情侶嘅拍拖活動。
再者，香港地消費水平高到一個點，想話搵日拍拖喺旺角睇套戲食餐沾麵都閒閒地兩個人四五百。如果想消費冇咁高，可以去行商場，但講真，同一個商場行兩三次已經行到熟哂，冇乜嘢係未睇過。次次同女友行APM，iSqaure等都係去Log-on呀，FrancFrance或者書店過下日神，但其實來嚟來去都係嗰啲嘢，你唔悶我都悶。有時都唔知點解去死都係嗰幾度。
（以上只係筆者個人經驗，可能同你的意見唔同）
雖然話就話好似冇乜選擇咁，但其實香港已經好好，至少你有好多享受可以同女友一齊過。拍拖本身根本唔自在去邊度、做乜嘢，其實拍拖只係想兩個人一齊，見下對方，就算只係靜靜地坐下，行下街，都已經可以好開心、好滿足。
同埋，拍拖最重要係心思。如果其中一方願意擺多啲心思喺對方度，好似預先計劃定行程，例如週日去行山、下白泥睇日落、南丫島、長洲，想留喺室內的可以去博物館、圖書館（天水圍圖書館好大），除咗唔駛好多錢之餘仲夠新奇特別，其實已經可以創造屬於你地兩個獨一無二的回憶。
所以，加油吧！
如果喜歡帖文，歡迎支持我！FB：[小情人 Young Couple]https://www.facebook.com/littleyoungcouple/
請按此登錄後留言。未成為會員? 立即註冊