有得揀不如過個Lonely Christmas啦⋯⋯

小情人 於 26/12/2017 發表 收藏文章
又到聖誕,又到聖誕~歌仔都有得你唱:「Lonely Lonely Christmas,Merry Merry Christmas,明日燈飾必須拆下,換到歡呼聲不過一剎⋯⋯」(陳奕迅的Lonely Christmas)每年到了這個時候一定有人曬恩愛,亦一定有人愁自己冇人陪(其實即係冇女朋友)。但,等我話你知,有女朋友不一定好!

聖誕當天(今天),約了女友去AIA(嘉年華有公仔贏,聖誕拍拖必去之地),未入去購票已經要排30分鐘隊,插隊情況亦令女友冷眼。

「今日好多人囉⋯⋯我都話1月先嚟架啦。」

「我知⋯⋯但今日正日嘛,我想同你嚟慶祝同等你有公仔攞走開心嘛。」

「我明呀,我都好期待呀,係唔鍾意同人迫啫⋯⋯」

女友一向不喜歡多人的地方,我也料到有此情況,故早已準備旅行手信(順便當聖誕禮物)哄回她。
當進入場地,才是真正考驗的時候!有女朋友的都知,如果女友想要一個公仔,無論如何你都要得到它!用了近$300,女友手中只有一個擲飛標得來的細奬⋯⋯

「我⋯⋯我有呢隻豬仔就得架喇,佢好cute呀。我唔駛要其他喇。」

「我唔信!我一定會中到其他大公仔俾你架!」

「唔駛啦⋯⋯我得架⋯⋯」話未畢,她已眼定定望向路過的一對情侶手中的大獨角獸,是從扔圈入破璃瓶中的。

我當然注要到了,我沒說甚麼,因為我要從行動證明!不知花了多少錢⋯⋯(對不起我玩遊戲不太好⋯⋯)幸好仍有十個公仔離場。雖然不是大奬,但看見女友抱着它們滿足的樣子,就知道「夠皮」可以走人。

「你睇下!隻pug幾得意~好似你個樣咁。」之前的咀喪好彩冇哂。

「如果上次唔中我會一直玩到中為止架。」

「痴線啦!唔中咪唔中囉,你今日換咗幾多錢架?」

「好少咋嘛,咪入場嗰二百幾囉。」

「你當我3歲細路女呀?唉⋯⋯下次唔同你嚟喇,浪費金錢。」

「點會啫,用喺你度用幾多都唔係浪費架。」

好開心女友為自己着想同時,我亦知道如果我今天運氣不好,只有那一個公仔,我想真的再沒有下次了。
這就是有女朋友的煩惱。到了聖誕,情侶之間一定要慶祝。去個高級難訂位的餐廳吃聖誕大餐,價錢必定不小;去看聖誕燈飾,又嫌一個地方太小東西看、拍照,意猶未盡;去玩遊戲贏奬品,又有莫名的壓力,不去還好,一去一定要凱旋歸來,讓女友回家沒手捧戰利品。聖誕給予情侶一份「禮物」,名叫責任,即使平時去街平平無奇,也逼着情侶(多是男友)想些新意,過一個特別的聖誕。有時男友想偷懶,趁聖誕假休息一下,恐怕這不是一個選擇。

反之,聖誕若不用考慮其他人(尤其另一半),可以自由自在過聖誕,何嘗不是一件樂事。你喜歡留在家裏打電動又好,出外跟朋友玩樂又好,晚上去平時去開的餐廳吃個不太貴的晚飯也好,不用在意有沒有人跟你過,只是一個假期輕鬆一下。不用跟人迫行人路、不用逼着吃貴價大餐、不用苦惱去哪裏,只要當「閃光彈」(即情侶之間親密的互動)冇到,一個人有時活得更開心。
其實,聖誕節也只是一個日子而已,跟12月27日一樣,都有24小時。單身人睇有女朋友的好,正如有女朋友的睇單身有多自在一樣,「你睇我好我睇你好啫」。所以自己一個過聖誕又有咩好怕喎。最多唔好去情侶集中地同埋上社交網站咪得囉~

若想定時看到新的帖文,歡迎支持我!
FB:小情人 Young Couple
A0愛情信箱:如果你有任何感情上的疑難,可FB Message專頁,還有可能成為下篇帖文的主角!
詳情可參考[A0愛情系列](一)究竟幾時表白好?

留言


請按此登錄後留言。未成為會員? 立即註冊
    快捷鍵:←
    快捷鍵:→