鼻扁又如何 我依然是女神 精選 推薦

由細到大，聽得最多就係畀人話：「哇！你個鼻真係好扁呀！」
我知，我鼻扁丫嘛……但我又唔係扁得核突……其實，我最希望聽到人講我：「唔……雖然你啲五官唔係特別精緻，不過拼埋一齊又幾好睇。」
就好似呢啲明星咁～～

梁小冰：
梁小冰雖然係鼻扁，但佢對眼好有靈氣，而且氣質出眾。邊個話鼻扁唔可以做女神 .V.

梁靜茹：
梁靜茹笑得好甜，而且眼大大，雖然鼻扁，但其他人望落去就會比較少留意個鼻，而係會留意佢親切嘅笑容同雙眼。
鄧麗君：
一睇鄧麗君，第一眼留意嘅應該係佢baby face同圓面。都係屬於氣質美女。雖然單獨睇五官都唔係好精緻，但拼埋一齊就有一種好吸引人望多兩眼嘅味道。

王菲：
其實王菲個鼻算扁，五官都唔係特別靚。但佢勝在霸氣氣場，面上都好似寫滿風霜歷練，有種成熟女人嘅魅力。

周迅：
周迅呀！！！女神呀！！佢個鼻唔算高，但就好有精靈嘅感覺。畫皮入面嘅佢冇得輸呀！！

蔡卓妍：
呀Sa鼻扁呢點就由細到大都留意到嘅，不過佢一路嘅形象都唔係行美女路線，而係一路都好似好開朗咁嘅小妹妹，佢嘅笑容真係加唔少分㗎！！
雖然依家嘅審美都係推崇高鼻，但其實只要五官配合得和諧協調，睇落順眼，加埋有個自信嘅靚靚笑容，理得其他人點睇，我就係自己嘅女神！