放不下前任，現任最終也會變成前任 精選

當一個人仲未真係放低前度，就算佢嘅現任對佢有幾好、幾愛佢都好，佢心入面最多只會對現任有愧疚，頂多都係有啲鐘意嘅感覺，但佢嘅愛唔喺現任度。

A同佢ex一齊咗幾年。同ex散咗之後，就同咗鐘意咗佢好耐嘅B一齊。B好愛A，為佢付出咗好多，例如拒絕咗其他條件比A好嘅男仔，例如會對A百般遷就，例如……畀咗佢嘅第一次畀A。

A知道B好愛佢，佢同B一齊嘅時候都好自在、好開心，但佢心入面，始終都係記掛住佢ex。
知道咗佢ex要約佢去旅行之後，B好唔開心，同A講叫佢唔好去。A唔聽。B覺得自己一路以嚟付出咗咁多，點解A連理吓佢感受都唔得。勸又勸過、鬧又鬧過，分手都講埋，A始終都係堅持自己嘅決定。

B知道，A嘅堅持，其實係意味住佢根本唔愛佢、佢根本比唔上佢ex喺佢心目中嘅位置。

B忍唔住，再問多A一次：咁你依家鐘意嘅係邊個？

A話：我唔知，等我去完返嚟再答你。

B搖搖頭，冷笑一聲，同自己講：佢唔愛你，你值得一個更好嘅人。
最後，A發現，ex冇B咁愛自己，想返去搵返B。

只係，B已經死心失望地從A嘅世界永遠消失。