過年親戚咩咩咩－－你想假到幾時？

又一個新年。又要換上一張笑盈盈的嘴臉面對那堆一年只見一面的「親戚」。

真的。我跟我的「大姨媽」很熟悉──起碼一個月會跟它碰一次面──卻與那些所謂親戚毫不親近。尤其是，當那些親戚是那麼虛偽時。

「聽講你考到大學喇喎！叻女呀！依家大學好難考㗎喎！」姑丈笑著對我說。

是麼？上個月我才從伯娘口中聽說姑丈指我考不上三大、說我能考上大學只不過僥倖，而且我又是讀文科，將來一定「無錢途」。
「你依家有冇返工、幫人補吓習呀？」姑丈又問。
我微微一笑，禮貌地應道：「有呀。」
「唉依家大個女喇！搵到錢又幫到屋企喇！幫人補習好吖，你大學生教d中小學生應該冇難度啦！」

當年，你是這樣說我的：「唉佢英文咁差，點會讀得書掂吖？你睇佢唔係讀band 1頭嗰d英中就知啦！」

「點呀有冇拍拖呀依家？」姑丈好像有永遠問不完的問題。
「冇呀哈哈！」我皮笑肉不笑的應道。
「咁快d搵返個喇！趁依家仲後生呀！」
我的嘴角不由自主地抽了抽。我的表姐，即是你的女兒──還未嫁得出。

「嚟嚟嚟！新年利利是是、身體健康呀！」終於，姑丈取出了紅包。我也當然欣然接過。

其實，之所以我新年會肯被你問長問短，也不過是為了一封紅包而已。