文: 譚嘉燕 FB PAGE: 譚嘉燕KATE
係呢個不分晝夜去營營役役工作既香港，雖然份工唔係自己既興趣，但準時6點就走到人，回歸自己的生活入面做返自己，已經算係小確幸了。細個以為自己長大後做到「超人級」，但依家就會發現可以準時收工已經係一份禮物。
其他屋企應該係爸爸媽媽等阿仔阿囡返黎食飯，而我恰恰相反，父母收工都成8點幾，反而係要我煮定餸等佢地。今晚係阿媽返到先，佢例牌必問：「今日有無食到個飯盒呀？」我仍然要講出明知佢會嬲既事實：「無呀，最後都係同咗同事出去食。」阿媽一如以往好似花師奶上身咁發火：「我今朝特登好早起身煮架，妳唔食就唔好叫我煮啦。」
我唔鐘意食隔夜餸，更唔鐘意兩餐都食同一樣野，唔知點解我就算一早約好同事食飯都好，我都會要求我阿媽準備飯盒俾我。有佢既飯盒係到，我先會覺得安心，就算唔食都好。而佢，雖然口同心都係充滿不悅，但第二朝都係會乖乖起身煮餸俾我帶飯。
十分鐘後，阿爸亦收工返到黎，一家三口開得飯啦。我先用報紙鋪好檯面，再從廚房拎出今晚既餸菜：菠蘿咕嚕肉、炒生菜、同埋蕃茄粟米豆腐湯。阿媽又係做首先開口既人：「做咩D餸既味道咁怪既，有浸酸怪味。」食嘢只求生存，不求味道既阿爸：「有咩，咁有菠蘿同蕃茄就梗係會酸架啦。」阿媽：「唔係喎，唔係正常既酸味。」我對眼又忍唔住流出淚水，只好一直低頭……阿媽好大反應：「喂，我無彈妳煮既餸唔好食呀，只係我奇怪問句啫。」佢用手扶起我額頭，我開始鼻頭都紅埋，好想可以大呻特呻：「唔係……只係返工果到做得唔開心，有個好有問題既同事今日又無事生非針對我，返工真係好辛苦，我就黎頂唔順……」因為唔想佢地擔心我，我亦唔想無收入俾唔到家用屋企，我忍咗成四個月都無同屋企人講過返工既事，但當壓力累積到一個點，我已經忍唔住我既不快與低落……
第二日，阿媽煮完我個飯盒後又返去床到翻瞓返，我望住檯面個飯盒，原來我咁渴望得到一個阿媽既飯盒，都係想俾自己知道世界上仍然有一個人會煮餸俾我食，支持住我，無論係呢個社會上打滾時我有幾唔開心，都仍然有一個地方係可以俾我安心咁返去……
文: 譚嘉燕 FB PAGE: 譚嘉燕KATE
係呢個不分晝夜去營營役役工作既香港，雖然份工唔係自己既興趣，但準時6點就走到人，回歸自己的生活入面做返自己，已經算係小確幸了。細個以為自己長大後做到「超人級」，但依家就會發現可以準時收工已經係一份禮物。
其他屋企應該係爸爸媽媽等阿仔阿囡返黎食飯，而我恰恰相反，父母收工都成8點幾，反而係要我煮定餸等佢地。今晚係阿媽返到先，佢例牌必問：「今日有無食到個飯盒呀？」我仍然要講出明知佢會嬲既事實：「無呀，最後都係同咗同事出去食。」阿媽一如以往好似花師奶上身咁發火：「我今朝特登好早起身煮架，妳唔食就唔好叫我煮啦。」
我唔鐘意食隔夜餸，更唔鐘意兩餐都食同一樣野，唔知點解我就算一早約好同事食飯都好，我都會要求我阿媽準備飯盒俾我。有佢既飯盒係到，我先會覺得安心，就算唔食都好。而佢，雖然口同心都係充滿不悅，但第二朝都係會乖乖起身煮餸俾我帶飯。
十分鐘後，阿爸亦收工返到黎，一家三口開得飯啦。我先用報紙鋪好檯面，再從廚房拎出今晚既餸菜：菠蘿咕嚕肉、炒生菜、同埋蕃茄粟米豆腐湯。阿媽又係做首先開口既人：「做咩D餸既味道咁怪既，有浸酸怪味。」食嘢只求生存，不求味道既阿爸：「有咩，咁有菠蘿同蕃茄就梗係會酸架啦。」阿媽：「唔係喎，唔係正常既酸味。」我對眼又忍唔住流出淚水，只好一直低頭……阿媽好大反應：「喂，我無彈妳煮既餸唔好食呀，只係我奇怪問句啫。」佢用手扶起我額頭，我開始鼻頭都紅埋，好想可以大呻特呻：「唔係……只係返工果到做得唔開心，有個好有問題既同事今日又無事生非針對我，返工真係好辛苦，我就黎頂唔順……」因為唔想佢地擔心我，我亦唔想無收入俾唔到家用屋企，我忍咗成四個月都無同屋企人講過返工既事，但當壓力累積到一個點，我已經忍唔住我既不快與低落……
第二日，阿媽煮完我個飯盒後又返去床到翻瞓返，我望住檯面個飯盒，原來我咁渴望得到一個阿媽既飯盒，都係想俾自己知道世界上仍然有一個人會煮餸俾我食，支持住我，無論係呢個社會上打滾時我有幾唔開心，都仍然有一個地方係可以俾我安心咁返去……
文: 譚嘉燕 FB PAGE: 譚嘉燕KATE
請按此登錄後留言。未成為會員? 立即註冊