作者: 譚嘉燕
FB PAGE: 譚嘉燕KATE
話說今天上班，小藍需要趕起一個活動的小冊子，同事S給小藍的資料檔案在電腦看上去一切如常，沒有任何狀況。誰知小冊子一印出來……「咦！做咩無啦啦有個香檳色玫瑰圖案係到架？」小藍驚訝，同時有點恐懼是自己把事情做不好。
「係呀，電腦睇都無架，我都唔知點解會咁。」同事S回應。
小冊子某一頁左上角憑空爆出一個玫瑰圖案，非常礙眼的位置、非常礙眼的大小。基於在電腦檔案中看不見，所以也無法刪除，或不知如何入手解決。但意外的玫瑰圖案真的非常礙眼，不能安慰自己「算了」，小藍卻無任何辦法。雖然因為趕著做宣傳，小藍還是渾身不自在的印了百多張出來。
到了後來忽然有靈感，小藍沾沾自喜的加了一個白色圖框蓋在玫瑰圖案上面，心想這次一定能印出「完美」的小冊子。按下「列印」……果然印出來的實物沒了玫瑰圖印。
「耶！」小藍用小興奮的語氣跟同事說：「我加咗一個白色圖框係玫瑰圖案上面呀！我終於整走咗個玫瑰圖案啦！」
同事S笑說：「妳無整走到囉，妳只係遮住咗咋。」
「嗯。弄不走，就掩護著。不然那些過不去的事情要怎麼辦。」小藍默默這樣心想著。
———————————————–
隔天在快要到步公司時，小藍從遠處就看見公司大樓前長了一顆巨型的植物出來，以目前狀況來說就只有兩片葉子，但好似隨時都會繼續生長似的。
巨型葉子還沒完全把門口覆蓋，小藍還是可以從隙縫中走進公司內，而且她看到其他人也是這樣做。甫走進辦公室，小藍已聽到大家正在討論這棵莫名爆出的植物。
同事A：「依家點算呀？係咪外星人黎過種舊咁既野係門口到？」
同事D：「再生大D，直情擋住個門口，我地可以唔洗返工就最好啦，哈哈。」
同事A回應：「你唔返工，老細都唔洗出糧俾你，到時老細都好開心囉。」隨後她咬了一口麵包，那是她的早餐。
「不如叫老細搵人斬咗棵野去啦？」小藍提議。
老闆：「唔斬得，又唔知呢棵野係咩黎，斬咗都唔知會點。」老闆不知何時踏入辦公室內。
「嗯嗯嗯，係囉，老細講得好，唔斬得。」很喜歡取悅老闆的同事M馬上放下手中的咖啡然後附和。
「唔好理住先啦，可能聽日棵野就會自己消失呢。」同事D說。
「會唔會啊，唔理就會無野？」小藍皺眉。
———————————————–
再到隔天，巨型植物並沒有消失，反而中間長出了花苞。但小藍還是可以從隙縫中走進公司內。
小藍：「都話唔會無啦啦就無事架啦。」說畢她就坐下來開啟電腦。
同事D不在乎說：「一係就睇吓最後會生D咩出黎囉。點都唔會係食人花啦。」
同事A：「點知呀，到時話唔定真係生咗棵食人花出黎，再要處理佢就遲啦。」
「依家一齊勸老細搵人斬咗棵野去啦。」小藍忽然站起來。
「老細咪話咗唔斬囉，老細點講就點講，點都一定啱過你呢個普通員工啦。」見高拜見低踩的同事M囂張地說。
「噁心。」同事D當面直說，他也很受不了同事M雙面人的噁心咀臉。
———————————————–
又一天過去，巨型植物仍然沒有消失，最後長出了一個香檳色玫瑰。是很美，可惜怪異。
「點呀，係咪都係唔理啊。」小藍有點心急地問老細。
「可以點理呀，浪費人力物力，等多一排啦，等佢枯萎咪得囉。依家又唔係入唔到公司返唔到工。一係用塊大布遮住佢囉。」老細態度不溫不忟。
「如果真係入唔到公司就好啦，唔洗返工。」同事D心想。
———————————————–
日子一天一天過去，巨型的香檳色玫瑰仍然嬌豔地長在那裡。
下班後回家睡了一覺的小藍睜開眼……她發現……整個房間內都是一片香檳色。牆身、床、床單、掛鐘、桌子、電腦、手機、拖鞋……所有物品都是一片香檳色。
她探頭望向窗外，窗外也是一片香檳色。連街上的每個路人全身都是香檳色的。
「都話唔會無啦啦就無野架啦。」小藍無奈嘆氣。
作者: 譚嘉燕
FB PAGE: 譚嘉燕KATE(歡迎瀏覽)
FB PAGE: 譚嘉燕KATE
話說今天上班，小藍需要趕起一個活動的小冊子，同事S給小藍的資料檔案在電腦看上去一切如常，沒有任何狀況。誰知小冊子一印出來……「咦！做咩無啦啦有個香檳色玫瑰圖案係到架？」小藍驚訝，同時有點恐懼是自己把事情做不好。
「係呀，電腦睇都無架，我都唔知點解會咁。」同事S回應。
小冊子某一頁左上角憑空爆出一個玫瑰圖案，非常礙眼的位置、非常礙眼的大小。基於在電腦檔案中看不見，所以也無法刪除，或不知如何入手解決。但意外的玫瑰圖案真的非常礙眼，不能安慰自己「算了」，小藍卻無任何辦法。雖然因為趕著做宣傳，小藍還是渾身不自在的印了百多張出來。
到了後來忽然有靈感，小藍沾沾自喜的加了一個白色圖框蓋在玫瑰圖案上面，心想這次一定能印出「完美」的小冊子。按下「列印」……果然印出來的實物沒了玫瑰圖印。
「耶！」小藍用小興奮的語氣跟同事說：「我加咗一個白色圖框係玫瑰圖案上面呀！我終於整走咗個玫瑰圖案啦！」
同事S笑說：「妳無整走到囉，妳只係遮住咗咋。」
「嗯。弄不走，就掩護著。不然那些過不去的事情要怎麼辦。」小藍默默這樣心想著。
———————————————–
隔天在快要到步公司時，小藍從遠處就看見公司大樓前長了一顆巨型的植物出來，以目前狀況來說就只有兩片葉子，但好似隨時都會繼續生長似的。
巨型葉子還沒完全把門口覆蓋，小藍還是可以從隙縫中走進公司內，而且她看到其他人也是這樣做。甫走進辦公室，小藍已聽到大家正在討論這棵莫名爆出的植物。
同事A：「依家點算呀？係咪外星人黎過種舊咁既野係門口到？」
同事D：「再生大D，直情擋住個門口，我地可以唔洗返工就最好啦，哈哈。」
同事A回應：「你唔返工，老細都唔洗出糧俾你，到時老細都好開心囉。」隨後她咬了一口麵包，那是她的早餐。
「不如叫老細搵人斬咗棵野去啦？」小藍提議。
老闆：「唔斬得，又唔知呢棵野係咩黎，斬咗都唔知會點。」老闆不知何時踏入辦公室內。
「嗯嗯嗯，係囉，老細講得好，唔斬得。」很喜歡取悅老闆的同事M馬上放下手中的咖啡然後附和。
「唔好理住先啦，可能聽日棵野就會自己消失呢。」同事D說。
「會唔會啊，唔理就會無野？」小藍皺眉。
———————————————–
再到隔天，巨型植物並沒有消失，反而中間長出了花苞。但小藍還是可以從隙縫中走進公司內。
小藍：「都話唔會無啦啦就無事架啦。」說畢她就坐下來開啟電腦。
同事D不在乎說：「一係就睇吓最後會生D咩出黎囉。點都唔會係食人花啦。」
同事A：「點知呀，到時話唔定真係生咗棵食人花出黎，再要處理佢就遲啦。」
「依家一齊勸老細搵人斬咗棵野去啦。」小藍忽然站起來。
「老細咪話咗唔斬囉，老細點講就點講，點都一定啱過你呢個普通員工啦。」見高拜見低踩的同事M囂張地說。
「噁心。」同事D當面直說，他也很受不了同事M雙面人的噁心咀臉。
———————————————–
又一天過去，巨型植物仍然沒有消失，最後長出了一個香檳色玫瑰。是很美，可惜怪異。
「點呀，係咪都係唔理啊。」小藍有點心急地問老細。
「可以點理呀，浪費人力物力，等多一排啦，等佢枯萎咪得囉。依家又唔係入唔到公司返唔到工。一係用塊大布遮住佢囉。」老細態度不溫不忟。
「如果真係入唔到公司就好啦，唔洗返工。」同事D心想。
———————————————–
日子一天一天過去，巨型的香檳色玫瑰仍然嬌豔地長在那裡。
下班後回家睡了一覺的小藍睜開眼……她發現……整個房間內都是一片香檳色。牆身、床、床單、掛鐘、桌子、電腦、手機、拖鞋……所有物品都是一片香檳色。
她探頭望向窗外，窗外也是一片香檳色。連街上的每個路人全身都是香檳色的。
「都話唔會無啦啦就無野架啦。」小藍無奈嘆氣。
作者: 譚嘉燕
FB PAGE: 譚嘉燕KATE(歡迎瀏覽)
請按此登錄後留言。未成為會員? 立即註冊