承認自己仍然嬲緊

嬲一個人很辛苦很難受，
因為唔想自己咁痛苦但又偏偏就係咁痛苦，
巴不得對方行衰運，以為對方發生不幸，
自己就能好過一點。
可惜的是，討價還價有樣不好，
就是對方仍然如常生活呢？
對方沒事似的過日子，自己卻嬲得辛苦，
愈是這樣，愈嬲，惡性循環下去，痛苦的只有自己。

有時候我也會糾結於其中，
會想起某個曾經傷害過自己的人，
有時候是小學時欺凌過我的人，
有時是曾經說我壞話的舊朋友，
有時是第一份工作裡的衰同事……


如果是曾經的好朋友，
我偶爾會有一念頭，就是主動聯絡她。
我想放下與她之間的往事，
想放下與她之間的糾結情緒，令自己好過一點。
不過大多時候主動聯絡傷害過自己的朋友，最後就算對方態度無野，
自己也會勸告自己不要再嬲啦，
當無野算啦……就算怎樣想說服自己都好，
過了一會，就會發現自己仍然很嬲。


仍然嬲緊。
點解我仲嬲緊？點先可以無咁嬲？
嬲佢受苦既是我自己呀！！


現在我覺得，不要對自己太苛刻吧，
有嬲的人也是很正常的事吧，
自己有嬲的情緒也是正常事呀！
世上總有對自己差勁的衰人，
點解唔可以嬲呀？嬲咪嬲囉，我係嬲呀嘛，點解要將自己當作聖人呢，
睇唔順眼人地咪睇唔順眼囉！


承認自己仍然嬲緊吧，
不抗拒嬲緊的自己，
去了解自己嬲緊什麼，知道對方觸到自己什麼痛處，
了解自己多點，這也不是壞事情吧。