豬仔朋友 精選

身邊總有一兩個因為愛情變得好豬既女朋友。男方根本唔愛佢/唔夠愛佢，甚至對佢好差，但女方仍然死心塌地。
我有個fd就係咁樣。男既當佢係水泡，見佢就得人，又傾得下，就一直拖住個女仔。女方已多次表達愛意，男人冇明確拒絕。二人親蜜如情侶，日日whatsapp，甚至有肉體上既接觸，但女方始終冇女朋友既身份。 女既有質問過，但男既表示二人互相關心又冇束縛咪幾好。

或者男方女方都冇錯，畢竟一個願打一個願挨，佢地兩個都係各取所需。男既可以排解寂寞，又唔洗失去自由。女既就依賴成性，貪戀對方偶爾既溫柔，甚至被男方洗腦，覺得咁樣冇問題。
--------------------
我只係覺得唔值得。個fd其實好好，善解人意，斯文有氣質，擁有佢既男人會好幸福。佢絕對值得一個真心真意既男人好好咁愛佢。
比起果個男人或者佢自己，做fd既我地反而更加睇到佢既好。如果我係男人，可能早就娶左佢。

好睇唔過眼，但無論點勸個女仔都係一意孤行，個女仔都覺得自己冇得醫。咁做fd既我地係咪收聲算？

有人選擇吸煙、濫用酒精藥物或其他不良嚐好，講真佢地比你更清楚啲副作用，但係呢啲唔健康既野滿足到你甚至佢自己都睇唔到既需要。選擇不健康都係個人選擇，我地要尊重。
--------------------
但作為朋友總會心痛，尤其知道你個fd已暗地裡為段關係喊左好多次。也許會帶更多既理解同溫柔，但苦口婆心既勸諭仍然會有，just in case你覺得連大家都放棄你，你更加自覺冇藥可救，於是繼續沉淪。
你條路點行我地冇權干預，但作為朋友，我地有義務做呢個長氣過啊媽既醜角，還望你唔會嫌我地煩。都麻煩你繼續有咩都同我地講，我地會嘗試理解。

點都好，朋友，愛你喔。或許愛情真係有魔力，但我深信友情同樣係力量既泉源。

慎入: https://www.facebook.com/weirdclassmate/