麻甩系女子的自白

麻甩系女子的自白

1）我唔鐘意太可愛太女性化既設計，唔識欣賞hello kitty粉紅色絲帶喱士波點等。每次有女仔好興奮同我分享呢啲野，又或者男人假設我鐘意呢啲，我好無言。
2）我重友輕色，正所謂姊妹如手足，男人如衣服嘛。朋友一世架，男人冇左咪再揾囉。可惜女伴通常戀愛大過天，搞到我好鬼hurt添。

3）講色情野唔少得啦，又會不吝昔大讚某某男士body好性感，朋友都誤會我鍾情肌肉男。其實同男人一樣，口口聲聲話肌肉正，但揀伴侶主要唔係睇呢啲，當然身材好會加加加分。

4）我毫不姿整，化妝野唔識，唔出街見人就唔洗頭唔剃毛。雨唔夠大都唔會開遮，陽光毒辣都懶得用遮。朋友老實不客氣地說我不修邊幅，男朋友都睇唔過眼。哈哈，我反而覺得大家太整潔太著重儀容啦。
5）會prefer同男仔相處，因為簡單、直接、爽快。我mindset都幾男仔頭，亦有人話我好理性。

6）噴開中性或男士香水，覺得男仔波鞋帥好多囉（可惜冇我size)，有錢既話我想買錶多過手袋，鐘意著褲多過裙，fashion icon大多係帥到爆既lesbian，例如Cara Delevingne同Kristen Stewart。

7) 雖然做女人唔錯，但如果有得揀，我下世要做男人!!!!!!!

唔知你有冇感同身受？又或者有冇諗到某個友人？

P.S. 以上just for fun，有太多stereotype啦，請不要太認真。


facebook/instagram : weirdclassmate