自欺欺人,係最低能既愛情玩法。

怪男孩怪女孩 於 04/09/2016 發表 收藏文章
佢有女朋友,但對你百般温柔,不間斷既短訊,接你放工,幫你抹汗。而你慢慢招架不住,雖然明知要保持距離,但你冇咁做。你用唔同藉口爭取同佢見面既機會,見佢之前扮到靚一靚,佢既過份關心你全單接收。你知道你地既關係比佢同佢女朋友更親密。
你同自己講,冇野既,你地係好好既朋友。你以友情之名玩曖昧。

玩暖昧玩出火,你地既行為已漸漸超出朋友戒線。你希望佢會俾個交代你,甚至放棄佢女朋友同你一齊。但佢冇咁做,佢承認對你有感覺,但未至於愛上你。你感覺被玩弄,但又唔捨得放手,唯有冇名份咁同佢玩落去。心底裡相信或者期盼,佢可能有一刻既真心。

你同自己講,冇野既,玩下啫。你以玩家之名玩真心。

終於佢唔想再玩落去,想做個乖乖男朋友。你沒來由地發火,指責佢係衰人,佢一開始就唔應該對你咁好,既然不愛就唔好同你曖昧,唔應該俾假希望你,浪費左你既時間。你企係道德高地,當正佢係十惡不赦既衰人,係佢導致你今日呢個局面。你忘記左條路係你揀既。

你同自己講,冇野既,係都係佢既錯。你以道德之名玩卸責。

親愛的,倘若你對愛情認真,你根本一開始唔會參與呢個愛情遊戲。對愛情唔認真既你,冇資格呻你愛情不順,遇上錯既人。

親愛的,你選擇既玩法係自己呃自己,對自己唔誠實。偶爾睇到佢同女朋友既定情戒指,諗到你地根本冇將來,又或者受到良心譴責,你喊到收唔到聲,一直以黎既抑壓終於爆發。

其實你知你根本吾係想同佢做朋友,做咩口口聲聲講友情?
其實你知你心底仲好愛佢,邊有條件做玩家?
其實你知做第三者好大部分係你既選擇,怪得人咩?

自欺欺人,係最低能既愛情玩法。你註定會輸,得唔到愛情,只有玩殘自己。

親愛的,醒下啦。


FB/IG: weirdclassmate

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→