朋友有好多層次

怪男孩怪女孩 於 01/10/2016 發表 收藏文章
朋友有好多層次。我吾係社交活躍既人,普通朋友吾多。

可以交心,互相之間坦誠,無所不談既朋友係有既,但十隻手指數得哂。

閨蜜又係另一個層次。閨蜜係,我地會不知廉恥地打搞對方。

屎忽痕就send啲核突相,無聊訊息俾你,而抵死既你又會應我或者同我玩埋一份。
我可能會不斷投訴生活大小事情,同一個問題重覆幾百次,你都會吾厭煩耐心聽我呻。我又成日不經意囇命但吾驚矖親你,因為知道你會真心為我幸福而感到快樂。
我吾怕展示我人性既黑暗面,瘋狂古怪既想法,係你地面前可以完全做返自己,有時候會懷疑根本你地係重口味,暗底裡鐘意咁樣既我。
見你行差踏錯,我會毫不留情指正你,冇咁多人想做醜人,咁由我黎做啦。但講完又會覺得好心痛。
我可以盡情佔你便宜,遲到啦,吾客氣用你呢啲野,仲有同你出街旅行吾plan,旨意哂你地架啦。
當然吾少得既係,我地一齊可以好似青山走出黎咁癲咁喪,成個宇宙好似係我地既咁。

當出左國,或大家因為工作讀書等不同既前路而愈走愈遠,生活圈子吾再重曡時,有時我會擔心我既友情,怕會吾會冇左嫁?

普通友情就無謂講啦。

好朋友呢樣野好得意,就算好長時間冇交流,見到面依然可以滔滔不絕,好似時間從耐冇走過咁。可能係大家內心有最真既彼此,而最真既野,即係心底個層從來吾會咁易變,會經得起時間既考驗。

至於閨蜜呢,問題根本吾存在,因為基本上你一直都同佢地溝通,冇間斷過。生活既芝麻綠豆事,你開心吾開心,佢地都知道。

原來我既擔心係多餘既,真正友情經得起時間,空間既考驗。而考驗吾起既,就只係普通交情,維吾維持到就睇緣份啦,無謂強求。

最後特別感謝我既好朋友同閨蜜,你地令我人生生色不少,未來會繼續吾客氣打搞大家。

慎入: https://www.facebook.com/weirdclassmate/

留言


請按此登錄後留言。未成為會員? 立即註冊
    快捷鍵:←
    快捷鍵:→