我是一個小偷。

我是一個小偷。

我喜歡過好幾位男人，然後偷偷將佢地既喜好、習慣甚至優點據為己有。
第一個係來自挪威既男仔，我常常說喜歡北歐，收集北歐情報，除左因為丹麥留學既回憶，好大原因係因為佢。因為佢成日聽dubstep，我迫自己聽下，初初覺得好難聽，聽聽下又幾鐘意喎。每次經過香水店，我都會拎佢用開果隻香水黎聞，順便也噴幾下係自己身上。佢話要一個可以同佢一齊成長既伴侶，所以當時有情緒困擾既我拎出決心見學校輔導，而呢個行為改變左我的一生。

第二個係芬達。他熱愛大自然同運動，成日要我學爬山，爬山就未識住，但我養成了行山的好習慣。佢養貓，所以我由原先鐘意狗多啲到依家變左貓奴，見到貓會溶化。佢做IT既，經常鼓勵我學programming增值自己，所以我由電腦白痴到依家嘗試用linux中。我們相約過去他眼中的全世界最美-蘇格蘭高山，但最終去不成，不過我知道有一天我會自己親自踏足呢個地方。
最近呢個，佢多才多藝，識調酒識整咖啡，我同自己講不能讓他專美，我都要學識，仲走左去咖啡店做part time barista。佢最愛既bourbon，變成了我家必備既飲料。由於佢養蜜蜂，所以我依家每個早晨都會飲佢送既蜂蜜，兼且準備紋一隻蜜蜂係身上。佢係一個好孝順既人，即使家人對佢很差但仍然不離不棄，這提醒了我也要對家人好些，然後我決定今年內請家人去旅行。

鐘意一個人，會潛意識地也會故意地模仿對方口味；一齊生活過，大家既生活習慣漸漸同步；對方既優點，令自己更有動力變成更好既人。

友人話我太瘋狂，我笑自己太浪漫。我真係一個不知廉恥既小偷。好彩，偷左對方都未必知，警察又唔會拉我，哈哈。