LOCOLOCO市集 －《夏の食祭》

炎炎夏日又就放暑假，究竟有咩搞作呢？大家都知香港人最鍾意有得食有得玩又有得買架啦！所以，黎緊六月將會於觀塘Food N' More舉行嘅LOCOLOCO市集 －《夏の食祭》就會一次過集齊依三種元素！

話明係食祭，當然唔小得一系列由Food N' More準備嘅日式小食，例如章丸燒、大阪燒、燒魷魚、綠茶慕絲等等，現場仲有更加其他野食等住大家黎發堀！現場仲有免費日式雪米糍派發，先到先得，要就快手！
活動另外一個重點就係玩！今次仲有得玩日式釣水球，想體驗下日本祭典遊戲可以黎試下！現場仲會有唔同嘅攤位遊戲，包括擲彩虹、丟圈圈等，有成個人咁高嘅公仔等你帶佢番去！


最後，市集又點會少得最重要嘅品牌小店呢！我地特意精選超過六十個特式小店，唔小仲要係新面孔！想行街又想搵得意野睇下就唔可以錯過啦！

主題：LOCOLOCO市集 －《夏の食祭》
日期：6月18日 & 6月19日（星期六、日）
6月25日 & 6月26日（星期六、日）
時間：中午12時－晚上8時
地點：觀塘開源道55號開聯工業中心A座地下Food N' More 食民營（駱駝漆大廈對面馬路）
關於LOCOLOCO
取名於 Local (本地) ，一個支持本地手作、藝術、創作的平台，致力推廣創意文化。舉行市集、工作坊及與其他機構合辦各種文創活動，亦與多個獨立手作品牌合作。位於銅鑼灣的LOCOLOCO Concept Store，打造鬧市中的公共休憩空間，內有手作及創意作品寄賣、工作坊及電影分享會。