ღ秋冬就要「滾」起來ღ必試足料靚煲皇

天氣開始越來越涼，又來到了打邊爐的季節！
由於友人突然好想食豬骨煲，所以今次就決定一試「靚煲皇」。
提提大家最好當然預早訂台，咁就可以大大減低等候時間。

坐低後侍應就擺上調味盤，可以根據自己喜好加入炸蒜及辣椒等。
湯底方面有超多選擇，完全滿足大家不同口味，如果有選擇困難症，不妨問下侍應姐姐意見。
個人就十分推薦「靚煲皇」，因為湯底十分足料，味道鮮甜，
一煲有齊扇貝、豬軟骨、排骨、豬手仔、翠肉瓜、蘿蔔及粟米等，
完全是超級豐富，而蝦乾及土魷就大大增加香味，
整個湯底濃郁甜美，令人食過翻尋味。
首先，豬軟骨軟腍，肉質嫩滑彈牙，味道香甜多汁，十分出色；
而豬手仔同樣十分入味，充滿大量膠質，口感超級彈滑。
扇貝色澤光亮，肥美鮮甜，口感彈牙，食得出十分新鮮！
湯底集合所有食物的精華，超級鮮甜，令人十分滿足。
配料方面，小妹認為手切肥牛值得一試，因為脂肪分佈平均，
而且不會感覺太肥膩，女生們也比較容易入口。
而且牛味香濃多汁，煮熟後不會感覺太韌或鞋口。
如此美味的湯底就一定要是點竹笙，因為它可以吸收湯汁，
味道變得更鮮美，而且口感爽口，令人食過不停。
另外，小妹亦點了牛柏葉，份量足夠而且大小剛剛好，
不會切得太細件，失去了應有的口感。
最後來了一份皇帝菜來平衡一下，色澤鮮綠，感覺新鮮。
靚煲皇的食物份量都很足夠，兩個人食一個細的靚煲皇已經好足夠，
而且其他配料價錢都好經濟，一大班朋友聚會就非常適合。
歡迎大家電郵找我呢
Email
wawalove520@yahoo.com.hk
wawa1205@gmail.com
Blogspot
http://wawalove520.blogspot.com
With love,
wawa

小妹的專頁亦開通了，請大家多多支持。
http://www.facebook.com/rainbowawa1205