[超長文+影片] 我們的婚禮回顧!結婚當天的出門及晚宴瑣碎事~

To be continued... 於 21/08/2020 發表 收藏文章
趁最近比較空閒,回到過去整理一下結婚當天的瑣碎事,來一次婚禮回顧!
我們是2019年年頭結婚的,這篇回顧有夠耐丫~


文章有點長,怕看得累可以看看婚禮回顧影片:)都是由當天的攝影師的花絮剪輯而成的丫。(內有化妝師及拍攝團隊資料)
https://www.youtube.com/watch?v=MuG4BaoMn-8

我們選擇在酒店出門,地點會比較近男家,可以省掉移動時的車程時間。(酒店出發到男家只是十分鐘內的車程,所以很方便呢)現在覺得花了二千多元租酒店出門很值得,一來不用執屋、二來空間比家中客廳大,可以容納較多人,而三來⋯⋯拍出門花絮的效果非常好!!

結婚前一天到兩點幾才睡覺,其實超累的,不過瞓得著都已經好好~
當天我的化妝師十分快手,兩個鐘內已經幫我化得靚靚,中間還有時間食早餐。


說到早餐又有笑料了,老爸負責到樓下買M記給我們吃,還有姊妹的份,早叮囑過買包+薯餅的餐就可以了,他怕大家餓,都買了扭扭粉、pancake餐之類的⋯⋯== 這些食物吃起來沒那麼方便吧,加上酒店房的大枱都用來化妝了⋯⋯哈哈⋯⋯吃得有點狼狽。

婚禮之中我覺得最重要的就是可靠的兄弟姊妹!那天姊妹們都非常準時,早早就到了,那時我才開始化妝,基本上沒有時間去招呼姊妹們,可是她們完全是自動波的,想好一陣子要用到的東西,都會自己去準備。 姊妹之中有部份已婚了,程序比我更熟,所有事都安心交給她們。


攝影師很早已經到了,在我們女生未READY之前,在酒店樓下先拍新郎和兄弟的花絮。之後的流程都非常順利,玩遊戲、接新娘、敬茶都比預定早了一個小時完成。Photolunch的攝影師很專業,基本上成個流程佢地幫我地帶住,所以樣樣野都好快。

到男家樓下的時候先拍了影片花絮,然後就入門了!原本我幾乎沒有時間吃午飯,最後我竟然可以同化妝師一齊嘆午餐,食飽飽就開始準備外影化妝和換衣服。


外影地點是觀塘海濱公園,當天是睛天的大旺日,眼見有近十對新人在拍外影⋯⋯
我們當天請的攝影師是2P1V,而跟去外影的只有1P--一位Snap Shot攝影師,有時都會諗,一個攝影師拍外影係咪真係夠呢,原來真係OK架喎。 個攝影師好PRO,當日外影想好似Pre-Wedding咁,好靚好靚丫!!


我們按預定的時間到了婚宴場地準備,搞笑的是,我們花車明明走錯路⋯但竟然比16座的兄弟姊妹同攝影師早到(因為他們在紅隧附近塞車呢)⋯⋯我們到場地時發現所有人未到,還以為到了平行時空丫!(笑)

BIG DAY前一天我們已經搬好所有衣服、物資到酒樓去,所以人沒到齊,我已經可以開工,把物資分配好。Candy Corner都是自己設計的⋯⋯讓姊妹幫我把它完成了!非常滿意~估唔到都幾多人幫襯⋯⋯


其實化妝師一到我就被找走去化妝,所以⋯⋯外面的情況我是完全不知道的。
新娘子當天基本上都是化妝拍照化妝拍照,直到最後的賓客都回去,就完成任務喇!


在婚前兩個月,Photolunch幫我們拍了一條concept video做成長片段,反應都不錯,的確可以帶動氣氛的。依家好多成長片段製作已經唔同以前,拍到好似MV、微電影咁~ 而BIG DAY當日的早拍晚播都係一百分滿意!!條片真係拍得好好,都幾有驚喜!

當晚換咗4次衫,不過次次都好快搞掂,我真係冇請錯化妝師。
係敬酒之後,換完最後一套衫,我真係覺得好眼瞓⋯⋯
然後係不停咁影相、敬茶、影相、敬茶⋯⋯雖然好攰但係好開心⋯⋯
同埋場地有個姐姐貼身服待,每道菜都會留定啲拎入新娘房,有需要仲會餵我食。(不過因為敬酒紅裙太窄,我完全唔覺得肚餓⋯⋯好似成晚都冇好餓嘅感覺)


因為真係過程很流暢,當晚大概10:30左右晚宴已經完結,黎飲嘅親戚朋友都散得七七八八~ (我去飲都好怕飲到夜一夜,朋友之後都話我知,咁快搞掂哂真係正丫!)

大半日著住個Nude Bra真係好辛苦,係我入返新娘房,除Nude Bra果下感覺真係好爽!!D汗焗住半日好唔舒服架嘛。

最後係酒樓找完哂數,執好哂所有野之後,返到屋企都只係12點鬆D。
(不過果晚都唔知做咩好興奮,同老公傾計傾到成3、4點先去瞓覺)

當晚所有衫我地都鎖係酒樓,第二日拎去附近的婚紗店直接還就OK! 所有衫都係兩間鋪內租哂,還衫就唔洗四圍走咁辛苦啦!還完衫我地就拎埋酒樓送的乳豬,回門!返娘家了~

搞結婚野係好攰好花時間,不過宜家再睇返,所有野都係值得架!最多謝都係屋企人,同埋所有幫手嘅兄弟姊妹,冇咗佢地,呢場婚禮都唔會咁順利!仲有就係遇到好嘅Vendor同場地工作人員,可以順順利利完成一項人生大事,真係好幸運。

》》婚禮回顧影片: https://www.youtube.com/watch?v=MuG4BaoMn-8

更多生活影片分享:https://www.youtube.com/channel/UCOu_Y1_1zK6OaGFU_XzIyIA

想看到更多即時分享,可以到facebook page讚好呢!
請多多支持吧~送禮不定期進行中~~

My Little Biscuit
Facebook: https://www.facebook.com/mylittlebis/


歡迎聯絡:
chiupurple@gmail.com
dahlia_purple@hotmail.com

SHE.COM客席專欄
http://www.she.com/author/purplechiu/

Instagram
https://www.instagram.com/purplechiu/

YOUTUBE
https://www.youtube.com/channel/UCOu_Y1_1zK6OaGFU_XzIyIA

BLOG
theZtyle: http://purplecc.theztyle.com
Girlsss.com: https://girlssss.com/author/purplec/
Girlab: http://girlab.hk/author/purplechiu/UBLOG: https://blog.ulifestyle.com.hk/blogger/mylittlebiscuit
Fanpiece: http://women.fanpiece.com/tobecontinued/
Beauty Exchange: http://www.beautyexchange.com.hk/blog/Purple%20Chiu
She Blog: http://blog.she.com/purplecc/
BlogSpot: http://purplechiu.blogspot.hk/
WeShare: http://www.weshare.hk/purplecc
Qooza Beauty: http://beauty.qooza.hk/u/purplecc/shares
BeautyLife:http://www.beautylife.hk/home.php?mod=space&uid=167954
Style-Tips.com:http://style-tips.com/blog/purplechiu

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→