婚享 。 揀相喇!未執都有驚喜的韓式PW @Artiz

To be continued... 於 31/01/2018 發表 收藏文章
自從上星期一拍婚照以後,我和兔先生每天最期待的就是揀相日⋯ 他們也很快手,拍攝後3日起已經可以揀~

最後等到星期六上去Korean Artiz Studio,7:00時段真係唔太好,對上一pair人仲係門口部Mac揀緊(佢地揀左超耐⋯7:35先走⋯)即係我地白白少左35分鐘揀⋯ 好在職員醒目等左好一段時間都係另一部機比我地睇住先⋯間野收9點,我都唔建議大家Book 7點揀相⋯因爲到揀果陣就知咩事⋯


就係⋯影出黎有好多都好靚⋯
總共拍左354張(應該有D唔靚嘅已被刪走)⋯我係包全部底片,暫且唔擔心幾多張入USB帶走⋯
我地只需要係幾百張入面揀出要精執的55張⋯
下面所有相都係未精修嘅,但係已經見得下人⋯⋯所以我地都好滿意!


當日Total影左15個景!

而接下來的有部分都係冇揀到⋯
因為55張裡面仲有更多靚嘅,留返Big Day先放出黎⋯

呢張係室內影,都做到光線自然,好滿意!


下面呢張都係室內,全景拍出黎的靚好多,果D已經選左入冊,不過呢張都好唔錯。
除左我笑得唔夠自然XD
其實我開口笑係靚好多,不過攝影師都會要求合咀、開口笑都影...
兔先生合咀笑好睇,而我係相反,開口好睇D...
真係就到佢個口時就唔到我個口...
所以影PW之前最好都係練下笑!


可能因為室外景2點幾拍,光線拍出黎反而冇室內咁好睇...
呢張走入架車影...其實轉返個身出黎影真係好高難度...T口T
我條腰丫丫丫丫......


月亮景係一定要精修加Effect的!
所以冇得走,一定要揀一兩張~
不過有原相,我自己都會返去ps...


為左要一張長條轉圈motion signature...
已經佔左我6張精執!! 不過轉圈呢一part影左成40張...
90%都係好靚...自然又有動感......
(大家揀果陣都睇下sample揀D正面、側面、向左向右...幾張拼埋就好有動感了)


淨色的韓式簡約風都影左好幾款,
做Profile Pic一流...不過我同兔先生每人只選了兩款入相簿T-T
相留返多D比特色場景...


下面呢幾張都冇揀,其實都好鐘意...
唯有自己執執...呢一件婚紗唔係好顯瘦...
都有可能係我水腫~

最後幾個景...個人見到哂疲態... 所以都揀少左...


揀左個幾鐘之後,好辛苦先揀到,忍痛咁放棄左好多相入冊...
所以入冊的都會是Best of the Best!
其他的我都會自己返去用原檔PS,send去淘寶整相簿又好...DIY相簿又好...

揀緊果陣係電腦隔離已經放左好邪惡的精執套餐...
加20張精執要2千幾...嗯...不過好老實...55張已經好多,只係相靚先令到選擇困難發作。
staff冇sell我地,因為我地揀得好快手...同埋都9點幾費事阻人收工...
禮服師收工見到我地揀相,仲話"哇,那麼快要選了...!"
係...由揀衫到揀相都係兩星期內的事...哈哈...


不過揀精執相的同時,還要定下油畫和枱框的相片,所以大家一路揀,一路都留意下邊d相適合做油畫... 我地果幅仲要36吋...本來想簡全身加上特色景的...
但係半身影出黎光線又好靚,結果揀左櫻花樹景半身相做油畫。


由於我的婚期較後,他們安排我2個月後看精修成果和排版,之後再等多兩個月就可以收到所有製成品了。

總結以下3點:
*上去揀相一定要自備USB
*Kill相時每個場景都揀下全身、半身、大頭,多D變化...
*注意相片的故事性

Overall到呢一刻都真係好滿意,15個場景當中,只有一個場景我地覺得拍得一般,一張都冇揀...其他的都真係預想以外...全靠攝影師同助理們當日幫我地細心執漏!

可惜Studio景基本上只會影一次...
未必會再幫襯第二次了T-T

我同兔先生都會影第二輯PW,想以外景為主,星期日去婚展再揀:)
不過今次影得咁好,下一間唔知有冇咁靚喇~

想看到更多即時分享,可以到facebook page讚好呢!
請多多支持吧~送禮進行中~~

My Little Biscuit

歡迎聯絡合作事宜:
dahlia_purple@hotmail.com

SHE.COM客席專欄
http://www.she.com/author/purplechiu/YOUTUBE
https://www.youtube.com/channel/UCOu_Y1_1zK6OaGFU_XzIyIA

BLOG

theZtyle: http://purplecc.theztyle.com
Cosmo Talk: https://talk.cosmopolitan.com.hk/purplecc/
Fanpiece: http://women.fanpiece.com/tobecontinued/
Beauty Exchange: http://www.beautyexchange.com.hk/blog/Purple%20Chiu
She Blog: http://blog.she.com/purplecc/
BlogSpot: http://purplechiu.blogspot.hk/
iTrial: http://trial.itrial.hk/user/purplecc
UBlog: http://blog.ulifestyle.com.hk/blogger/purplecc/
ELLE blog: http://blogs.elle.com.hk/purplecc/
WeShare: http://www.weshare.hk/purplecc
Qooza Beauty: http://beauty.qooza.hk/u/purplecc/shares
BeautyExp:http://www.beautyexp.com/articles/author/dahlia_purplehotmail-com/
BeautyLife:http://www.beautylife.hk/home.php?mod=space&uid=167954
Style-Tips.com:http://style-tips.com/blog/purplechiu

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→