SY: NUTREE的新版BB CREAM及CC CREAM 精選

馬年第一篇文章，先祝大家龍馬精神，心想事成，大吉大利!

適逄馬年，好多玄學家都話我的生肖今年不錯。所以，我今年都會放手一試，實踐自己一直的夢想。至於我的夢想係咩，遲啲有成績先同大家分享!

上年參加Cosmoprof，我收到來至韓國品牌Nutree的最新款BB Cream 及CC Cream，一直都冇時間試，直至到新年呢段時間先至有時間試用。

呢對孖兄弟產品，分別叫做：
1. Crema Caracol Blemish-Cover Balm B.B Cream (SPF30 PA++) 50ml

2. Crema Caracol Complete Contral C.C Cream (SPF30 PA++) 50ml

佢地同屬蝸牛系列，新版的BB Cream 及CC Cream比舊版BB Cream多出20ml，同埋佢地的配方有進一步的改善。兩款產品均係無二苯甲酮、無瀝青、無表面活性劑、無丙烯乙二醇，無礦物油等添加劑，用起上黎更加安全可靠。新版BB Cream及舊版BB Cream我都試過，舊版BB Cream比較偏灰白啲，新版的BB Cream就偏粉紅啲。由於新版的BB Cream的顏色同我手背的頻色好似，搽上手係好自然的。但係上面的話，我略嫌佢深色左!


至於CC Cream方面，白色的Cream含有超微細的粒子，當你輕輕推開啲Cream的時候，粒子會爆破，跟住啲顏色就會慢慢浮出黎架!


好，即刻在手上示範下啦!唧出黎的CC cream 係白色的，推開之後，就變成 Ivory色同Light Beige色之間。但係上到面的話，佢係比我原來的膚色偏白的。

好喇，宜加上面試下色先，為求俾大家見到效果，我比平時搽的份量多左一倍的!(成個斑點狗咁!係唔係好正呢!)

驟眼睇落去，似乎没有太大分別。事實上，搽CC Cream的半邊面係白啲，光澤感係好啲!搽BB Cream的半邊面膚色係均勻左，係偏黃啲!

睇得唔清楚的話，試下咁睇~~


一路推開啲CC Cream，一路睇住佢啲顏色的變化其實都幾過癮!但係，我都略嫌呢款CC Cream 偏白，唔夠自然。(可能我搽得太多了~~)


所以，我宜加係會Mix兩者去調番適合我的顏色的!我會大概一半係CC Cream, 一半係BB Cream 混合使用。


功能上，BB Cream 及CC Cream 分別不大，均勻膚色、遮瑕、防曬及修護皮膚。BB Cream 的遮瑕能力始終較CC Cream為優勝，呢個品牌的兩款產品都唔例外。

有啲人會將CC Cream 做為妝前打底用，然後上粉底的。但係CC Cream最好唔好同粉底一齊使用，因為一齊用會降低CC Cream的護膚功效及令肌膚透唔到氣的!

希望大家每一次睇完我的文，都可以有啲嘢可以袋走!未必只係產品的資訊，或者係我呢個人。我相信生命影響生命! 或者有機會我會講下我的故仔俾大家聽 ，希望可以俾多啲正能量俾大家!