被門口擔誤了的餐廳~ 推介高質抵食2人餐

新年入元朗，朋友帶我黎呢度食燒肉
個門口真係好細，B-MIX 的牌又唔顯眼
開頭以為去錯地方，仲問朋友，我地唔去食燒肉咩？點解變左打邊爐？


經過一條長長的樓梯，終於見到燒肉2個字
原來呢度2樓全層都係食肆，一邊燒肉，一邊打邊爐

上到黎，真係可以用别有洞天黎形容
原來上面係咁大同咁靚~
全部卡位，椅背全部高過頭，私隱度非常高
每張枱都勁大，坐得好舒服~ 


除左大廳，呢度仲有VIP 房 可以BOOK黎唱K食野，好過去PARTY ROOM ~

今次叫左個2人餐 原價 $588
估唔到新年期間都有7折，抵到無朋友呀~ 


成個2人餐非常豐富
包括  2款日式前菜 / 沙律 / 刺身 / 海鮮 / 野菜盤  / 丼飯
雞肉 + 牛肉拼盤或豚肉拼盤 

日式前菜 & 沙律
湯碗咁大份沙律，用配燒肉食一流


刺身 
唔係求其幾片薄片架
而係成隻大蝦 / 帶子 / 八爪魚 ，非常有誠意的 


另一個就係要燒既海鮮
有2隻新鮮鮑魚, 帶子 蒜蓉生蠔 (鍚紙兜上) 

個鮑魚一路燒仲識一路郁架，極之新鮮


我揀左牛肉拼盤 + 薩摩赤雞腿肉/ 雞件 (仲有燒汁 / 原味 / 鹽味 揀添) 
雖然係2人份量, 但每種肉有4件以上，成盤肉都唔少野


牛肉雪花紋理好靚，入口非常幼嫩
牛舌好嫩又爽，牛柳粒油脂豐富，雞肉都嫩滑整體質素都非常高 


野菜盤都好靚，有哂擺盤架
有女女最愛的甜薯仔~ 


2人餐仲跟埋呢個丼飯 (又係一個湯碗上) 
紫菜+流心蛋+魚子 +味素
混埋一齊，淨係食呢個飯都勁飽呀~~


2人餐無跟飲品
加左呢個日本生果梳打，仲跟冰杯上，顏色好靚，味道好清甜, 推介~ 


B - Mix 呢個2人餐非常抵食
唔單止質素高，而且份量多，即使食量大的朋友都夠食
價錢超值，計番都係4百幾蚊，實在非常抵 
唯一唔好係地點有D混亂Google Map 要搵 『麻極手工火鍋料理 』先搵到個地址呀~