閨蜜聚會好地方~ 精緻日式九宮格

公司對面開左間新鋪 The Harmony
門口好靚，好有歐美街頭的隨意風~ 


裝修以西式風格為主，混有少少和風設計
原來餐廳是日式和食和燒物為主的
意想不到吧~
我是衝著這個日式九宮格來的 
女生都愛精美的東東，隨便一拍也是能打卡的擺盤呀~ 
海膽魚籽丼飯  柚子醋沙律  吞拿魚反卷
牡丹蝦   池魚  , 漬蒜頭
黑松露帶子 燒鯖魚  安格斯牛小排串 
食材豐富全面，有沙律，前菜，刺身，燒物，仲有丼飯


每一個小碟都有設計，但放在一起又很和諧


就是一個刺身，也不是隨意放上，而係鎅哂花架~
睇相都見到刺身好新鮮，色澤光亮，仲件件厚切~


叫左2隻蒜蓉牛油燒扇貝 ($ 198/2隻)
雖然C9 的我有少少肉赤
但呢2隻扇貝又真係幾大隻，超厚肉~ 
入口有勁香的牛油味，仲燒得好嫩唔韌~ 


老公發板，叫了一堆串燒
但上枱時係放埋一齊，幾有台型，變左打咭野


4款串燒分別是燒牛小排，柚子豚肉蘆芛卷
七味豚肉串同澳洲和牛舌心
男人鐘意舊舊肉我反而最愛柚子豚肉蘆芛卷，有蘆芛中和下，無咁膩

每串串燒都好大份好厚肉~ 個牛小排加埋，差唔多一舊扒咁~
但感覺太大舊有D難咬，如果用黎送酒唔太適合
如果將肉1開2，感覺會食得舒服D~ 
估唔到一串雞皮都有擺盤，真是服了~ 
比起串串肉，雞皮就易HANDLE 得多了
但如果多燒幾下，令個皮更脆口就更正~ 


焦糖菠蘿係必食推介
唔會有酸味，入口好甜美飯後甜果 一流~


餐廳有提供熱茶的
故只叫了一杯PEACH SODA , 但感覺有點兒失望
食物的擺盤很精緻，但飲品有點兒隨意，杯子也普通的很呢~


餐廳感覺很適合女生閨蜜聚會
日式刺身部份不錯，九宮格絕對能征服女仕的心
但到串燒部份卻忽然豪邁起來，大杯酒大塊肉的感覺，兩者似乎要再磨合一下~ 

The Harmony
尖沙咀漆咸圍9-11號若璠閣地下