去永年食大澳特產~

經過永年士多，發現有新野
即刻入去朝下聖先~


今次呢個新野，係蝦籽撈麵~ 
仲係用大澳益昌號既蝦籽， 今次唔使入大澳都食到特產~

今次揀左大大舊既蝦籽豬手撈粗~  


豬手整得好，有一定難度
永年既豬手我覺得有中上水準
佢既豬手淋得黎唔爛，咬得開但又仲好有膠質感
入哂味，但又唔會過咸~ 火候控制得排常好~

主角既蝦籽撈粗，d蝦籽真係多到不得了呀~ 
蝦籽其實是蝦的卵子，曬乾再炒香，係純天然無添加的調味料
加少少落去，令成個麵都增加了不少咸香和鮮味~


除左蝦籽撈麵, 呢個熟蝦醬配通菜都一定要試
同樣選用大澳益昌號的熟蝦醬，估唔到配通菜咁惹味
個熟蝦醬有D似XO醬，比以前食開既咸蝦醬更有鮮味
搞到我都想買番樽長放屋企~

黎永年，點可以唔試佢既車仔麵
因為個撈粗好大碟，所以今次叫淨車仔餸 ~
叫左個麻辣三寶同咖喱四寶，一次過試哂佢既招牌野啦~

咖喱四寶 $ 38 

話說 我未試過咁樣叫淨餸 
原來呢個38蚊既咖喱四寶 係咁大碗架~~~@@ 

四寶分別是魚蛋，蘿蔔，豬皮同魷魚 (仲有菜底呀) 
配合特製的濃濃咖喱汁
咖喱汁偏甜，唔太辣，配上呢四寶好夾

個豬皮幾厚身，索哂D咖喱汁，超入味~ 
蘿蔔超級淋，好入味。味道特別甜，似係特別製過
我自己就覺得偏甜左少少


麻辣三寶 $40 
40蚊，估唔到份量又係出奇的多。
三寶分別有腎，豬耳同牛栢葉
佢既麻辣唔係紅油個隻，唔算太辣，同牛栢葉最夾 ~ 


今次仲試左2款新飲品藍柑菠蘿乳酸梳打
士多啤梨乳酸梳打 
正價 $32, 跟餐15蚊 
2款飲品顏色都好夢幻，好打卡FEEL ~ 
味道酸酸甜甜，幾開胃又解渴，最啱用黎配辣野~


呢度真係大件夾食夾抵食食物質素又OK，價錢又親民
唔掛得成日都大排長龍啦~ 

永年士多
Wing Nin Noodle
尖沙咀加拿分道46號地下7-8號舖