VIP 享受的酒樓~ 德藝會 ClubONE Telford

放假的日子，作為傳統廣東人既家庭，最愛就係上酒樓食上一盅2件
但往往一想起擠在門口等叫籌的人龍便會卻步
為左舒適的嘆下茶，傾下家常，我寧願捨棄官塘的熱鬧，來到德福飲茶

德藝會
ClubONE Telford


呢度本身係德福住客的會所，但入面的德藝會其實係開放俾公眾的
(係咪唔講唔知呢~)

德藝會亦係婚宴場地，所以無論裝修，佈置都花過心思架~


呢度係屬於新派的結婚場地，以湖水藍，湖水綠以及白色3色為主，非常高貴典雅~

呢度既茶市/飯市，開中午12點，非常適合我呢D放假想瞓晏D既人~XD
當日12點黎到，係第一枱入黎，可以任影呢個咁靚既環境~
柔和的色調令人非人放鬆，好適合放假的閒適心情

而且來光顧的客人都以斯文為主，整個場都很安靜的，沒有傳統酒樓的喧聲震天，也不用扯大喉嚨黎傾計~非常謐靜舒服~


成個場放到十幾圍，當日後半部份俾人包左場搞生日會
不過佢有獨立門出入，絕對無影響的~

呢度有2-4人枱，亦都有6-8人枱以及更大的12人枱~ 適合不同既家庭~

食具同樣用上了簡單的白色瓷器，同場地非常合襯唷~


坐下後，待應快速地地送上了2壺，一壺茶，一壺開水

那個瓷器茶壺呢，圓圓的身和蓋，要加水時，千萬不要把蓋掀起放在圓圓的壺身上呀因為都係圓圓的，一不小心就把壺蓋弄跌了，實在非常的不好意思
待應快手的意外現場清理了~ 在此要說聲感激呢~


叫了四個點心和一個雙拼組合
但估唔到竟然組合先到~

組合的確幾抵食，我見好多枱都有~

我叫了第一個的鮑汁荷葉飯配濃湯花膠泡翡翠

鮑汁荷葉飯


那個飯上枱時飄來陣陣的荷葉香氣，引得個肚在唂唂叫
呢被荷葉緊緊的包裹著，不過就細心地在上面界刂了個十字，方便打開食用~

看，打開後依然係一團靚靚的飯呢~
不要看少這一團飯，因為都裹得實實的，所以份量其實也不少呀~


每粒飯粒被鮑汁均勻的包裹著~ 內藏了冬菇，火腿增加香氣和口感
食到後來，還發現有瑤柱絲混在內呢~
因為加入了鮈汁，口感是濕潤的，但仍是一粒粒的飯粒，不致溶成糊狀~


鮈汁荷葉飯係濃味的，配上這個濃湯花膠泡翡翠就剛好
先來一口濃湯，沒有慣性的重味精，反而細味到高湯的精華
翡翠嘛，就係蔬菜，是日用上了菠菜，非常碧綠，浸在濃場上特別醒目出色~
花膠也是大大塊的，而且我鐘意佢煮得夠爽口，唔會溶哂
唯一係花膠加入了姜味僻腥，但有2-3塊花膠的姜味稍重，把濃湯的味道也蓋過了。

點心係一併上來的，似是即點即蒸~

蟹籽蝦燒賣


大大粒的燒賣上面佈上了大大粒的蟹籽~
賣相很好，燒賣皮仍然摺紋有緻，不是爛成一PAT的溶雪來貨~
入面係大大隻的完整大蝦~ 非常爽口彈牙~

要說燒賣大，看到這個蝦蛟也不遑多讓~

差不多塞滿了蒸籠的四粒餃子，配上中間的翠綠西蘭花，份外雪白晶瑩~

老實說，這個蝦餃的價錢也沒有很便宜，要54蚊一籠
(要不是衰女包嚷著要食，我還真不捨得呢)
不過看到了滾圓碩大的四顆蝦餃，頓然又釋懷了~


這個蝦餃比起坊間的大了起碼有1/3~ 蝦餃雪白煙韌有彈性
除了有原隻大蝦和充滿蝦味的蝦膠作餡料外，還有一粒我最愛的大大粒春筍
不但有助提升蝦的味道，還有解膩之用~

對比起蝦餃，小籠包反而顯得嬌小了~

飽皮普通，雖然沒有薄到通透的驚艶，還好入面有滿滿的濃湯汁加分

還好是小小的一個，不然那個濃湯和肉團真的食不下太多~
這就係師傳的心思呀~


我對鳳爪真的特別情有獨鐘，每次飲茶都要叫上一份~


這份鳳爪的份量和賣相算不俗~鳳爪都是很完整的整隻帶皮，沒有蒸到完熟爛掉~


豉汁蒸鳳爪，豉味不太突出，反而是甜甜的~ 夠有趣了~


這個豆腐卜嘛，實在令我又開心又失望
開心，是因為發現了我最愛的豆腐卜呀
失望，係豆腐卜竟然吸收唔到鳳爪的豉味醬汁，只有清淡的豆腐卜味~和我期待的有很大落差呢~ T.T

另外，值得一讚係呢度既工作人員，無時無刻都在關心你有咩需要
加水，服務都跟得好足，唔使叫極無人，令人好有VIP的感覺。
今時今日，想有咁好服務的酒樓，真係可遇不可求呀~

註，做埋會員，仲有七折架~

德藝會
ClubONE Telford
九龍灣德福花園P13-14號

文章只屬個人意見，只供參考

如要聯絡本人，請電郵至： smonkichi@hotmail.com
Fanpge : www.facebook.com/smonkichInstagram : https://instagram.com/smonkichi/

Click here for my sharing platform :
Blogspot * She.com * Cosmo * Elle * U Beauty * Beauty Exchange * Beautylife
* We Share * Beauty Qooza * Baby Kingdom * ESD Life 生活易 * Fanpiece * The Ztyle