新潮手工麵,抵食又美味~

Beauty Life 於 14/06/2021 發表 收藏文章
比起食飯,我更鐘意食麵

經過灣仔見到呢間以手工拌麵的餐廳,價錢又相宜,入去試一試先



呢度既招牌麵,有個好得意既名,  問左待應姐姐,原來讀 BIANG 
係一種陝西的麵,BIANG 字就係當地既讀音~


今日同女女黎,叫左2個麵同一個小食,但最後都食唔哂... 
因為除左價錢抵食,份量都唔細。


姐姐推介我呢個油撥辣魯肉麵 $55
辣度有得揀架。因為第一次食,試左少辣。感覺下次再食可以再加辣


魯肉亦做好出色,揀的豬肉肥瘦適中,魯汁肉惹味,菇粒仲好滑又入哂味





Biang Biang 麵係手工麵,麵身較闊,但唔厚, 入口幾滑,又有O趙頭,仲好飽肚。
而且手工麵仲好掛汁,每條都沾滿醬汁~


女女近期愛食瑞士雞翼 ($58) ,估唔到呢D咁有家鄉風味的食店都有得點

雞翼夠入味,D麵撈埋瑞士汁,非常惹味~





叫左一個芥香麻醬雞絲粉皮,因為怕芥醬辣,姐姐幫我改做麻醬, 小朋友都食到。


粉皮非常有驚喜,又薄又滑又彈牙,同坊間個D好唔同
配青瓜,雞絲和麻醬食,非常清新的口感
特別適合呢個炎熱的夏日
而且42蚊的價錢,份量勁多,真係抵食又好食。推推推~


加12蚊的特飲菠蘿青檸蜜和蜂蜜百香果,前者味道偏酸,後者較香甜,不過不失





餐廳裝修幾有心思,坐得舒適,仲幾有香港特色


要讚下呢度既姐姐好好人,招呼週到,有問必答,又有耐性,成餐飯都好滿意

露面手工拌麵料理

灣仔莊士敦道55號地下A號舖

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→