和牛極致體驗 - 必食和牛「極緻」6點

係D2 Place 3樓的銀座炎藏燒肉，絕對係一間被低估的日式燒肉
呢間其實係東京人氣和牛燒肉專門店銀座炎藏燒肉的首間香港分店
唔單止食到正宗日式黑毛A4和牛，仲可以食到和牛的稀有部位


平時同事生日都會黎呢度食LUNCH慶祝
百幾蚊已經可以食到一客和牛日式燒肉套餐, 得體又實惠
今晚就黎試一下同樣抵食嘅和牛「極緻」6點

 

和牛6點共有6款不同的和牛部份，分別有和牛友三角, 和牛羽下，和牛唐辛子，龜之甲, 上後腰脊肉同和牛鞍下

呢D部位都是非常稀有，龜之甲是大腿四頭筋中只得2成左右
友三角是一頭牛中只能取到10人份量
和牛羽下，一頭牛更只有3-4kgs
以$588 黎講是真是相當實惠 


每塊和牛紋理都非常清晰，油脂豐腴味美，入口柔軟融化。
就是食和牛的感覺呀~


我就被呢塊和牛唐辛子驚艷到
睇佢個樣又唔太多油脂，仲諗住會好嚡，估唔到肉質竟然係非常嫩滑

有好嘅食材當然要配合埋個爐
呢度嘅爐火非常夠，可以燒出好靚燒烤網紋。而且呢度抽風好好，唔會見到煙霧迷漫的境象，食完都唔會成身油煙味。


呢度嘅牛舌都是必點項目
六塊大大塊的牛舌唔使100蚊，係咪估佢唔到
而且牛舌薄得黎又有咬口，加碗飯 比坊間嘅一人燒肉定食更抵食。當然亦更好食


唔想食白飯咁DRY, 我叫左個石鍋拌飯有飯又有菜，健康又好味 ，而且味道唔會好濃，同和牛一齊食都好夾
連唔食菜嘅女女都竟然食左2碗~ 


叫左2杯顏色好靚嘅特飲
菠蘿乳酸 酸酸甜甜好開胃
蝶豆花青檸梳化，非常清爽，而且仲係無糖無負擔，配燒肉一流~ 

值得一讚呢度嘅服務好好。
服務員好和氣又有笑容，有問有答，又會適時加水，換網。
收碟前都會詢問下客人，令人賓至如歸。 

銀座炎蔵燒肉
Ginza Enzo Yakiniku荔枝角長義街9號D2 Place ONE 3樓302號舖