八十年代的熣燦歳月~杜老誌大飯店

Beauty Life 於 26/06/2019 發表 收藏文章
香港的夜生活,曾經係世界聞名
但以前五光十色,燈火燦爛的香港已經不復再
好多當年盛極一時的行業都已經關門大吉或者日漸息微
難得杜老誌大飯店的老闆咁有心將當日的盛況重現,當然要黎打下咭~




由地下坐透明子彈LIFT 直上餐廳,阿女已經好開心,透明子彈LIFT 家下都買少見少了~
LIFT口佈置到當年八十年代時鐘酒店的裝潢,好搞鬼



餐廳兩邊各有不同特色的香港店鋪
以下的佈置,作為新一代既你,有冇見過呢?

麻雀館係香港人的一個合法賭場,以前好多電影都有加入麻雀館的場口,雖然好多人 包括我都未必入過去,但面門就一定見過,不過香港的麻雀館已經唔再發牌,買少見少了~
呢個麻雀館門面還完度係100%呀~


焗桑拿曾經係香港係好流行的一種玩意(以男性為主啦),就好似深圳既按摩咁,而且好多人都鐘意係度傾生意架,不過今時今日,呢樣野已經唔再流行了~


同樣係香港絕跡的就係夜總會,有睇過"金雞"的人都知當年的夜總會係幾咁火熱,去夜總會係有身份,有能力的象徵。但依家已經風光不再了,最後一間夜總會都執埋了,要認識舊香港,可能要黎呢度睇下了


夜總會內另一搞鬼布置,就係龍鳳大禮堂。家下流行西式婚禮,好多佈置都變得西式化,呢D傳統大禮堂過多幾年真係可能搵唔返了

遊戲機中心曾經係香港多過7仔,可惜隨著電腦同ONLINE GAME的流行,家下的遊戲機中心已經得番好少了,只剩番一D舊區仲保存到~


呢個遊戲機並唔係得個樣架,佢入面仲有當年流行的街機, 街頭霸王



今日世界,係DISCO 黎,以前七十年代, 八十年代年青人的娛樂,可惜最後都係執下執下咁無哂。新一化既年青人都係鐘意去CAFE 打咭多。


大排檔當然都係80年代的產物,當年的大排檔,茶檔係低下階層的美食天堂,
餐廳亦以大排檔為藍本設計,枱櫈都係摺櫈摺枱~ 當然,一應的大排檔器皿都有齊啦


呢度唔止場景懷舊,連餸菜都以懷舊菜或大排檔的小炒為主
維他奶紅荳冰我都係第一次見,以香港特有的維他奶配上紅荳冰,出奇的夾
阿囡話好飲到不得了。

我就叫左呢個龍鳳可樂,即係咩?其實就係檸檬加咸檸再加可樂~ 可樂加上少少咸味,非常過癮~


今日兩母女,少少地叫3個餸試下啦~

咕嚕肉都算係中國人/香港人必食的餸,遠至世界各地唐人街都搵到佢既蹤影
就連鬼佬都好鐘意食架,有小朋友既,尢其要點添呀~

咕嚕肉係屋企整真係煩到嘔架,又要炸又要整汁,所以通常我會選擇出街食~XD
正如頭先話,咕嚕肉要先炸,炸粉要鬆化之餘肉又唔可以炸乾
當然,仲要炸粉唔可以過厚啦




呢個咕嚕肉就符合哂我既要求,粉同肉的厚度都配合得好好
甜酸得宜的醬汁用大火結成獻,用黎送飯一流~



白飯軟硬適中,比起八十年代的硬飯當然改進了不少~

炸乳鴿係香港人一個好有特色的餸菜,以前去酒樓食飯成日都食
但呢幾年反而少食左,一黎人大左要健康D,二黎家下好多炸乳鴿質素麻麻

杜老誌的炸乳鴿非常值得推薦,皮夠香夠薄夠脆。色澤又靚,上枱已經傳來一陣香氣,令人垂涎三尺。

乳鴿肉嫩皮脆,一扯就甩~ 而且唔會食到成口油~


炸鮮奶,細個好鐘意食架,非常傳統而接近失傳的一個餸,係近年先有人再開始整返

呢D懷舊菜當然要試下


即叫即炸,非常熱辣辣,金黃的外皮包裏住滑滑的鮮奶
鮮奶加入左椰汁,椰香四溢。外脆內軟的感覺真係好盏

呢個炸鮮奶係甜甜的,用黎做飯後甜品都OK呀~
不過一舊既分量都幾大,食完2舊已經要收手了。


另一個傳統美食就係焗西米布甸
呢個係菠蘿皮焗西米布甸,都唔知幾耐無見過佢啦~ 呢個仲特別加入了菠蘿皮添。
餐版上寫HKD 138 一個,係 8-10人份量,姐姐話我知有迷李版,當然要試下啦~


外層菠蘿皮我覺得有D似月餅皮咁~ 很香甜,很酥的感覺
入面滿佈了西米和蛋香,即叫即整的關係,入面係超級熱的,要溫提一下呢~


呢度仲有好多兒時成日見的場境,新奇士多仲有部舊式扭蛋機架~


呢度既一場一境都係香港的一個特色,但呢D特色往往會隨著社會的變遷而消失


呢度,每一個位都係香港人既共嗚位,每一個場境都盛載著不少的回憶
但如果年青的你未經歷過,更加要到呢度感受下當年繁榮的香港啦~


杜老誌大飯店

灣仔杜老誌道6號群策大廈7樓

電話號碼 : 26380177

文章只屬個人意見,只供參考

如要聯絡本人,請電郵至: smonkichi@hotmail.com

Fanpge : www.facebook.com/smonkichi

Instagram : https://instagram.com/smonkichi/

Click below for my sharing platform :
Blogspot * She.com * Cosmo * Elle * U Beauty * Beauty Exchange * Beautylife

* We Share * Beauty Qooza * Baby Kingdom * ESD Life 生活易 * Fanpiece * The Ztyle

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→